ထိုင်း-တရုတ် မြန်နှုန်းမြင့်ရထားလမ်းဖောက်လုပ်ရန် ထိုင်းအစိုးရက ခွင့်ပြုလိုက်ပြီ တရုတ်-လာအိုနဲ့ ထိုင်း-မလေးရှားနိုင်ငံများကို ချိတ်ဆက်မဲ့ အမြန်နှုန်းမြှင့်မီးရထားလမ်း ဖောက် လုပ်မဲ့ မူကြမ်းအတွက်တရုတ်နိုင်ငံနဲ့ ဆွေးနွေးရန် ထိုင်းအစိုးရမှ သဘောတူညီလိုက်တဲ့အတွက် အကိုျးကျေးဇူး များစွာခံစားရမယ်လို့ တရုတ်မီးရထားဝန်ကြီးဌာနက ထုတ်ဖော်ပြောကြားခဲ့ပါတယ်။ အနည်းဆုံးတစ်နာရီကို ကီလိုမီတာ ၂ဝဝ အထိ ခုတ်မောင်းနိုင်မယ့်အဆင့်မြင့် မီးရထားလမ်းချိတ်ဆက်မှုမှာ ထိုင်းနိုင်ငံ Bangkok- Nong Khai၊ Bangkok-Rayong ၊ ထိုင်းနိုင်ငံ Songkhla(ဆောင်ခလာ) ခရိုင်နဲ့ ထိစပ်နေတဲ့ မလေးရှားနိုင်ငံ Padang Besar ပါ ပါဝင်မှာဖြစ်ပါတယ်။ မြန်နှုန်းမြင့် မီးရထားချိတ်ဆက်မှုဟာ တရုတ်နိုင်ငံရဲ့ တောင်ဘက်အကျဆုံးမြို့ ဖြစ်တဲ့ ကူမင်း မှ လာအိုနိုင်ငံရဲ့မြို့တော် ဗီယန်ရှင်းအထိနဲ့ ထိုင်းနိုင်ငံ နောင်ခိုင်း၊ ရနောင်း၊ ဘန်ကောက်၊ မလေးရှားနိုင်ငံ ဘီဆာမြို့အထိဖြစ်ပါတယ်။ ထိုင်းပြည်သူများ မီးရထားနဲ့ ခရီးသွားလာမှု ပိုမိုတိုးတက်လာရေး ထိုင်းအစိုးရရဲ့ ခွင့်ပြုချက်၊ ထိုင်း ပါလီမန်ရဲ့ဆုံးဖြတ်ချက် များကို ရယူကာ တရုတ်နိုင်ငံနဲ့ ဆွေးနွေးခြင်း၊ အရှေ့တောင်အာရှ ဒေသတွင်းရှိ အခြားနိုင်ငံများနဲ့ပါ ဆက်လက် ဆွေးနွေးခြင်း တို့ကို ထိုင်းသယ်ယူပို့ဆောင်ရေးဝန်ကြီးဌာနရဲ့ ခွင့်ပြုချက်တောင်းခံ ထားကြောင်း ထိုင်းအစိုးရရဲ့ ဒုတိယ ပြောရေးဆိုခွင့်ရှိ သူSupachai Jaismut က ပြောကြားခဲ့ပါတယ်။ ကျော်စိုးဝင်း၊Source: T.N.A
Background