ထိုင်းဘတ်ငွေခိုင်မာသော်လည်း BOT က ထိန်းချုပ်ကွပ်ကဲသွားမည် စက်တင်ဘာဒုတိယပတ်အတွင်းထိုင်းဘတ်ငွေ ပိုမိုခိုင်မာနေသော်လည်းထိုင်းဗဟိုဘဏ်မှ ထိုင်းဘတ်ငွေ နေရာမှန်ရရှိရေးအတွက် စီမံခန့်ခွဲမှု ပုံစံပြောင်းလဲ ဆောင်ရွက်ခြင်း မပြုသေးကြောင်း ထိုင်းဘဏ်၏ ဒုတိယ အကြီးအကဲ Paiboon Kittisrikangwanက ပြောကြားခဲ့ပါတယ်။ ဘတ်ငွေခိုင်မာမှုက ထိုင်းနိုင်ငံ ရဲ့ စီးပွားရေး တည်ငြိမ်မှုနဲ့ တိုးတက်မှုကို ထိခိုက်စေမှာမဟုတ်ကြောင်းနဲ့ ဘတ်ငွေတန်ဖိုးအပြောင်းအလဲက ရေတိုရေရှည် စီးပွားရေး တည်ငြိမ်မှုအပေါ် အကျိုးသက်ရောက်မှုကို ဗဟိုဘဏ်အနေနဲ့ ဆန်းစစ်ဖို့ တာဝန်ရှိကြောင်း ၎င်းက ဆက်လက်ပြောကြားခဲ့ပါတယ်။ ယခုနှစ်မှာ ဗဟိုဘဏ်က ၆ ဒသမ ၅ ရာခိုင်နှုန်း - ၇ဒသမ ၅ ရာခိုင်နှုန်းခန့် ဖွံ့ဖြိုးတိုးတက်ရန် လျာထားတွက်ချက်ထားသော်လည်း အောက်တိုဘာလ ၂၈ရက်နေ့မှာ ထုတ်ပြန်ကြေညာမယ့်ငွေ ကြေး ဖောင်းပွမှုနဲ့ ကုန်ဈေးနှုန်းကြီးမြင့်မှုတွေကြောင့် ရှေ့အလားအလာကို ကြိုတင်ခန့်မှန်းနိုင်ခြင်း မရှိကြောင်းဘဏ်အကြီးအကဲက ဆက်လက် ပြောကြားခဲ့ပါတယ်။ ရေတိုရေရှည် စီးပွားရေးတည်ငြိမ်မှုမှာ ဘတ်ငွေအား ကောင်းလာခြင်းရဲ့ ကောင်းကျိုးဆိုးပြစ်ကို ထိုင်းဘဏ်ရဲ့ ငွေကြေးမူဝါဒအုပ်စု BoT's Monetary PolicyGroup က တွက်ချက်ထိန်းချုပ်သွားမှာဖြစ်ကြောင်း Mr. Paiboon က ပြောခဲ့ပါ သေးတယ်။ ဘဏ္ဍာရေးကဏ္ဍ အပြောင်း အလဲနဲ့ ငွေကြေးလဲလှယ်နှုန်းတွေက စီးပွားရေးစဉ်ဆက်မပြတ်ပြောင်းလဲမှုကို ဖြစ်စေမှုကြောင့် ထိုင်းနိုင်ငံရဲ့ စီးပွားရေးတည်ငြိမ်မှုရရှိအောင်BOT အနေနဲ့ ပိုမိုအာရုံစိုက် ထိန်းချုပ်ဖို့ လိုအပ်ကြောင်းလည်း သူကဆိုပါတယ်။ှSource : TNA,ကျော်စိုးဝင်း
Background