လက်ပြောင်းတဲ့ မုံရွာပဲစင်းငုံ မုံရွာကုန်စည်ဒိုင် ပဲစင်းငုံနီဈေးကွက်အနေနဲ့ မန္တလေး၊ ရန်ကုန်ဝယ်လက်အနည်းငယ်ရှိနေပြီး ကုန်သည်အချင်းချင်း လက်ပြောင်းနေကြတဲ့အတွက်စက်တင်ဘာလ တတိယပတ်မှာ အရောင်းအဝယ် အသင့်အတင့်သွက်ခဲ့တာတွေ့ရပါတယ်။ ယခုတစ်ပတ် ပေါက်ဈေးအနေနဲ့ တစ်တင်း ၂ဝ၅ဝဝ ကျပ်ထိအမြင့်ဆုံး ဖြစ်ခဲ့ပြီး တစ်တင်း ၁၉၅ဝဝ ကျပ်ထိ အနိမ့်ဆုံးကျဆင်းခဲ့တာ တွေ့ရပါတယ်။ စက်တင်ဘာလ ၂၂ ရက်နေ့မှာ တစ်တင်း ၁၉၈ဝဝ ကျပ်နဲ့ တစ်ရက်တည်းတင်း ၂ဝဝဝ ကျော် အရောင်းအဝယ်ဖြစ်ခဲ့တယ်လို့ သိရပါတယ်။ယခုတစ်ပတ်အတွင်း မုံရွာကုန်စည်ဒိုင်ကနေ မန္တလေးကို တင်း ၁၅ဝဝခန့်နဲ့ ရန်ကုန်ကို တင်း ၂ဝဝဝ နီးပါး တင်ပို့ခဲ့ကြောင်း သိရပါတယ်။ ထွန်းလှိုင်
Background