ပြည်မတ်ပဲ ဈေးအေး ပြည်ဈေးကွက်မှာ မတ်ပဲဈေးပြန်လည်လျော့သွားပါတယ်။ စက်တင်ဘာလ ၂ဝ ရက်နေ့မှာ မတ်ပဲပိဿာ ၂ဝ ဝင်တစ်တင်းကို ၂၇ဝဝဝ ကျပ်နဲ့ ဈေးမြင့်အရောင်းအဝယ်ဖြစ်ပြီး၊ ၂၁ ရက်နေ့မှာတော့ ၂၆၅ဝဝ ကျပ်ထိ ဈေးကျ သွားခဲ့ကာ၊၂၂ ရက်၊ ၂၃ ရက်နေ့မှာတော့ ပဲတစ်တင်းကို ၂၆ဝဝဝ ကျပ်ဈေးနဲ့ ယခင်တစ်ပတ်ကဈေးအတိုင်း ပြန်ဖြစ်သွားတာကိုတွေ့ရပါတယ်။ မြို့တွင်း ရောင်းဝယ်သူတွေကတော့ တစ်နေ့ကို ပဲတစ်တင်းခွဲအိတ် ၃ဝဝ ခန့် ပုံမှန်အရောင်းအဝယ်ဖြစ်ခဲ့ပြီး၊တစ်ချို့နေ့တွေ မှာတော့ ပဲအိတ် ၆ဝဝ ၊ ၇ဝဝ ခန့်ထိ အရောင်း အဝယ်ဖြစ်ခဲ့ တယ်လို့ပဲကုန်သည်တစ်ဦးက ပြောပါတယ်။ တိုင်းတွင်းမှရန်ကုန်သို့ စက်တင်ဘာ တတိယပတ်အတွင်း အိတ် ၁၅ဝဝဝ ခန့် တင်ပို့တယ်လို့ သိရပါတယ်။ မိမိအေး
Background