ပုံမှန်ရောင်းဝယ်နေတဲ့ ပဲကြီး မုံရွာကုန်စည်ဒိုင်မှာ ၂ဝ၁ဝ ခုနှစ်စက်တင်ဘာလဆန်းက ပဲကြီး တစ်ပိဿာ ၁၄၂၁ ကျပ်မှ ယခု တတိယပတ် မှာ ၁၅၇၉ ကျပ်သို့ ဈေးအနည်းငယ် တက်လာကြောင်း သိရပါတယ်။ယခု အချိန်က ပဲကြီးစိုက်ပိုျးချိန်ဖြစ်ပြီးအောက်တိုဘာ၊ နိုဝင်ဘာ၊ ဒီဇင်ဘာလ များမှာ ထွက်ပေါ်မှာ ဖြစ်ပါတယ်။တောင်သူနဲ့ ကုန်သည်များ လက်ဝယ်လက်ကျန်နည်းပြီး တိုင်းပြင်ပ စီးထွက်မှု မရှိခဲ့ပါ။ တိုင်းအတွင်း စားသုံးမှုနဲ့ပဲကြော်ဖိုလုပ်ငန်းရှင်များရဲ့ နေ့စဉ် သုံးစွဲမှု ရှိလို့ မုံရွာကုန်စည်ဒိုင်မှာ နေ့စဉ်တင်း ၁ဝဝ ခန့် အရောင်းအဝယ် ဖြစ်ကြောင်း သိရပါတယ်။ စစ်ကိုင်းတိုင်းဒေသကြီးအတွင်း ၂ဝ၁ဝ-၂ဝ၁၁ ခုနှစ်ပဲကြီးစိုက်ပျိုး ရန်လျာထားဧက ၆၆၆၄အနက် ၅၂၅၈ ဧကစိုက်ပျိုးပြီးလို့ ရာခိုင်နှုန်းအားဖြင့် ၇၉ ရာခိုင်နှုန်း စိုက်ပျိုးပြီးဖြစ်ပါတယ်။ သန်းသန်းတင်
Background