တနင်္သာရီတိုင်းဒေသကြီးမှာ ရော်ဘာစေးခြစ်ယူဖို့ ပြင်ဆင် တနင်္သာရီတိုင်းဒေသကြီးအတွင်း ၂ဝဝ၉-၂ဝ၁ဝ ခုနှစ်မှာ စိုက်ဧက ၂ ဒသမ ၂ သိန်းခန့်ရှိပြီး၊ အစေးလှီးဧက ၁ဒသမ ဝ သိန်းမှ တစ်ဧကပျမ်းမျှအထွက်နှုန်း ၄၉၅ ပေါင်ထွက်ရှိလို့ စုစုပေါင်းထွက်ရှိမှုပေါင် သိန်း ၅ဝဝခန့် ထွက်ရှိခဲ့ကြောင်းသိရပါတယ်။ ယခုနှစ် ၂ဝ၁ဝ-၂ဝ၁၁ ခုနှစ်မှာ အစေးခြစ်ထုတ်လုပ်နိုင်ရန်အတွက် ရော်ဘာခြံရှင်များ မိမိတိုခြံများအားဓါတ်မြေ သြဇာကျွေးခြင်း၊ ပေါင်းရှင်းခြင်း၊ တောခုတ်ခြင်းများဆောင်ရွက်ပြီးစီးတဲ့ခြံများရှိသလို အချို့ခြံများမှာလည်းဆောင်ရွက်ဆဲ ဖြစ်ပါတယ်။ ဒေသအတွင်း ရော်ဘာ ခြံကြီးများအနေနဲ့ အလုပ်သမားငှားရမ်းထားရှိမှုကြောင့် ယခုမိုးမရွာတဲ့ ရက်များကစတင်ပြီး ရော်ဘာ အစေးခြစ်ယူတော့မယ်လို့ သိရပါတယ်။ မျိုးအေး
Background