ရောင်းအား ဝယ်အားကောင်းနေတဲ့ ပန်းသီးနဲ့ ပန်းသစ်တော် မန်းဈေးကွက်အတွင်း သစ်သီးဝလံများဖြစ်တဲ့ ပန်းသီး၊ ပန်းသစ်တော်များ လှိုင်လှိုင်ဝင်ရောက်လျက်ရှိပြီး ဈေးကွက်မှာလည်း ရောင်းအားကောင်းနေတာ တွေ့ရပါတယ်။ မူဆယ်ဘက်မှဝင်ရောက်လာတဲ့ ပန်းသီးများ၊ ပန်းသစ်တော်များကို ပွဲရုံဈေးအနေနဲ့ ပန်းသီး ၂၅ လုံးကို ၂ဝဝဝ ကျပ်၊ ၂၅ဝဝ ကျပ်၊ ပန်းသစ်တော် ၂၅ လုံး ၈ဝဝဝ ကျပ်၊ ၈၅ဝဝ ကျပ်ရှိပြီး၊ လက်လီဈေးမှာ ပန်းသီးတစ်လုံးကို ၁ဝဝ ကျပ်၊ ၁၅ဝ ကျပ်ရှိပြီး၊ ပန်းသစ်တော် တစ်လုံးကို ၄ဝဝ ကျပ်၊ ၄၅ဝ ကျပ်ရှိကြောင်း သိရပါတယ်။ နေ့စဉ် မန်း-မူဆယ်ကားများဖြင့် ပန်းသီးနဲ့ ပန်းသစ်တော်ဖာ ၇ဝ နှင့် ၁ဝဝ ကြား အဝင်ရသလို ဝင်ရောက်တဲ့ပစ္စည်းများလည်း နေ့မကူးဘဲ ရောင်းဝယ် မှုအားကောင်းကြောင်း သစ်သီးကုန်သည်ထံမှ သိရှိရပါတယ်။ တင်ဇာမျိုး
Background