ရွှေဈေးအတက်ဘက်သို့ ဦးတည်နေသော်လည်း အရောင်းအဝယ်အေးနေ

ရွှေဈေးအတက်ဘက်သို့ ဦးတည်နေသော်လည်း အရောင်းအဝယ်အေးနေ    ယခုအခါတွင် ကမ္ဘာ့ရွှေဈေးနှုန်းများ စံချိန်တင်မြင့်မားလာသောကြောင့် ပြည်တွင်းရွှေဈေးကွက်မှာအတက်ဘက် သို့ ဦးတည် နေသော်လည်း အရောင်းအဝယ်မှာ အေးနေကြောင်း ရွှေရောင်း ဝယ်သူတစ်ဦးက ပြောကြားသည်။   ''ကမ္ဘာ့ရွှေဈေးက ပြန်တက်လာ တော့ ပြည်တွင်းရွှေဈေးက အတက် ဘက်ကို ဦးတည်လာတယ်။ နိုင်ငံခြားငွေဈေးနှုန်း တွေကကျလာတော့ မြန်မာငွေကြေးက ခိုင်မာလာတယ်လို့ ပြောလို့ ရတယ်။ မြန်မာ့ငွေကြေး ခိုင်မာလာပေမယ့် ရင်းနှီး မြုပ်နံှ သူတွေက အိမ်ခြံမြေ ဘက်ကို အဓိက ဦးစားပေးကြတယ်။ ရွှေဘက်ကိုသိပ်မလှည့်ကြတော့ ရောင်းအားလည်း သိပ်မတက်ခဲ့ဘူး။ ပြည်တွင်း ရွှေဈေးကွက်က အခုလက်ရှိအရောင်း အဝယ်အေးပြီး ဈေးငြိမ်နေတယ်လို့ ပြောလို့ရတယ်။ ပွင့်လင်းရာသီ အရောင်း အဝယ် ကောင်း၊ မကောင်းကတော့ ပြောဖို့ နည်းနည်းစောသေးတယ်။ ဈေးကွက်ကို စောင့်ကြည့်နေတဲ့ အခြေအနေပဲရှိတယ်'' ဟု ၎င်းကပြောကြားသည်။    အဆိုပါ ကမ္ဘာ့ရွှေဈေးနှုန်းမှာ စက်တင်ဘာလ ၂၃ ရက်နေ့တွင် တစ်အောင်စလျှင် အမေရိကန်ဒေါ်လာ ၁၂၉၃ အထိ စံချိန်တင်အောင် မြင့် တက်ခဲ့ပြီး ပြည်တွင်းရွှေဈေးနှုန်းမှာ အခေါက်ရွှေ တစ်ကျပ်သားလျှင် ၆၅၅ဝဝဝ ကျပ်သာရှိကြောင်းနှင့် ပြီးခဲ့သည့် စက်တင်ဘာလ ၁၈ ရက်တွင် ရွှေဈေးမှာတစ်ကျပ်သားလျှင် ၆၅၈ဝဝဝ ကျပ် ဖြင့်ဈေးပိတ်ခဲ့ကြောင်း သိရသည်။                                                                                                                              မင်းသန်