စက်တင်ဘာလကုန်ပတ် ပဲစင်းငုံနီဈေးထပ်မံကျလာ မုံရွာကုန်စည်ဒိုင် ပဲမျိုးစုံဈေးကွက်မှာ ပဲစင်းငုံနီဟာ စက်တင်ဘာလ အတွင်း အရောင်းအဝယ်အား အနည်းဆုံး အိတ်စပို့ပဲအဖြစ် ရပ်တည်နေခဲ့ပါတယ်။ ပြည်ပဈေးကွက်ဝယ်လိုအားနဲ့ ပေါက်ဈေးနိမ့်ကျမှုရဲ့ ဂယက်ကြောင့် ဒီလထဲမှာ တစ်တင်း ၁၈ဝဝဝ ကျပ်ထိ အနိမ့်ဆုံး ကျဆင်းသွားခဲ့ရပါတယ်။ မန္တလေးနဲ့ ရန်ကုန် အဝယ်ရှိတဲ့ နေ့တွေမှာ တစ်တင်း ၂ဝ၈ဝဝ ကျပ်ထိ အမြင့်ဆုံးတက်ခဲ့ပေမဲ့ နေ့စဉ် ရောင်းဝယ်မှုအနေနဲ့ တစ်ရက်ပျမ်းမျှတင်း ၅ဝဝ မှ ၈ဝဝ အတွင်းသာ ရှိခဲ့တယ်လို့ ပွဲရုံရပ်ကွက်က ကြားသိရပါတယ်။ မုံရွာကုန်စည်ဒိုင် နယ်မြေကနေ စက်တင်ဘာလ အတွင်း ပဲစင်းငုံ ထပ်ဆင့်တင်ပို့မှုအနေနဲ့ မန္တလေးကို တင်း ၅ဝဝဝ ခန့် ရန်ကုန်ကို တင်း ၅၅ဝဝ ခန့်နဲ့ ပခုက္ကူကို တင်း ၁ဝဝဝ ခန့်သာ တင်ပို့ခဲ့ကြောင်း လေ့လာ သိရှိရပါတယ်။ ထွန်းလှိုင်
Background