အိမ်ခြံမြေဈေးကွက်တွင် အငှား ၇၀ ရာခိုင်နှုန်း ရရှိ ရန်ကုန် အိမ်ခြံမြေဈေးကွက်တွင် စက်တင်ဘာလအတွင်း အငှားဈေးကွက် အနေဖြင့် ၇ဝ ရာခိုင်နှုန်းရရှိခဲ့ကြောင်း အိမ်ခြံမြေ အကျိုးဆောင်ကုမ္ပဏီများမှ သိရသည်။ ''စက်တင်ဘာလတစ်လလုံးအနေနဲ့ အငှားဈေးကွက် ၇ဝ ရာခိုင်နှုန်းရရှိတယ် ဆိုတာ ဖြစ်နိုင်ပါတယ်။ ကျွန်တော်တို့ကုမ္ပဏီ တစ်ခုတည်းမှာဘဲ စက်တင်ဘာလ နောက်ဆုံးပတ်ထဲမှာ မြေညီထပ်အငှားအနေနဲ့ တာမွေဘက်က တစ်လ ၃ သိန်း၊ ပုဇွန်တောင် ဘက်က တစ်လ ၆ သိန်း၊ ရိုးရိုးတိုက်ခန်းတစ်ခန်းကို ဒဂုံမြို့နယ်ထဲမှာ တစ်လကို ၂ သိန်းခွဲနဲ့တည့်ခဲ့တယ်။ ကွန်ဒိုအငှား ဆိုရင် ဒဂုံမြို့နယ်ထဲက ကွန်ဒို ၂ ခန်းက ၄ သိန်းခွဲနဲ့ ၅ သိန်းခွဲ။ ဗဟန်းရိပ်မွန်ထဲမှာ ၄ သိန်း။ ပုလဲကွန်ဒိုထဲက ၄ သိန်းနဲ့ တစ်ခန်း စုစုပေါင်း ၅ ခန်းငှားပေးခဲ့ရတယ်။ လုံးချင်းတိုက်အငှားက တစ်လကို ဒေါ်လာ ၁၇ဝဝ နဲ့ နိုင်ငံခြားသားအတွက် ဝန်ဆောင်မှုပေးနိုင်ခဲ့ပါတယ်'' ဟု ယူနီတီ အိမ်ခြံမြေကုမ္ပဏီမှ ဦးဇော်ဇော်က ပြောကြားသည်။ အဆိုပါကုမ္ပဏီမှ စက်တင်ဘာလနောက်ဆုံးပတ်အတွင်း သိန်း ၂ဝဝဝ တန် မြေကွက်ကို မရမ်းကုန်းမြို့နယ်အတွင်းတွင် လည်းကောင်း၊ ကျပ်သိန်း ၃ဝဝဝ ကျော် တန် မြေ ၈ဝ ပေပတ်လည် (RC ၂ ထပ် )ကို သင်္ဃန်းကျွန်းမြို့နယ်အတွင်းတွင် လည်းကောင်း ဝန်ဆောင်မှုပေးခဲ့သည်ဟု ဆိုသည်။ ခင်မျိုးသွယ်
Background