အရောင်းအဝယ်အေးနေတဲ့ ပြည်အာလူးဈေးကွက် ဒီတစ်ပတ် ပြည်အာလူးဈေးကွက်တွင် မိုးသီးနံှဖြစ်တဲ့ ကျောက်ဖရုံ၊ ဘူး၊ ခရမ်း စတဲ့သီးနံှများ လှိုင်လှိုင်ပေါ်နေတဲ့အတွက်စားသုံးသူအဝယ်နည်းနေပြီး ဈေးနှုန်းအခြေအနေလည်း ပုံမှန်ဖြစ်နေတာတွေ့ရပါတယ်။ ပြည်ဈေးကွက်သို့ အောင်ပန်းဘက်မှ အာလူး များ တစ်ပတ်ကို ပိဿာ ၄ဝ ဝင် အိတ် ၂ဝဝ ခန့်အဝင်ရှိနေပြီး ရန်ကုန်ဘက်မှလည်း အောင်ပန်းအာလူးကိုပင် တစ်ပတ်အိတ် ၁၈ဝ ခန့်ကို ဈေးအနည်းအများပေါ်မူတည်ပြီး တင်သွင်းရောင်းဝယ်နေတာ တွေ့ရပါတယ်။ ပြည်ဈေးကွက်တွင် ဇွန်၊ ဇူလိုင်လများ၌ အာလူး တစ်ပိဿာ ၁၄ဝဝ ကျပ်ထိ ဈေးကောင်းရခဲ့ပြီး သြဂုတ်လမှစပြီး တဖြည်းဖြည်း ဈေးအေးလာခဲ့ရာ ယခုတစ်ပတ်ထိ အာလူးအကြီး တစ်ပိဿာ ၈ဝဝ ကျပ်၊ အသေး ၆ဝဝ ကျပ်နဲ့ ပုံမှန်အားဖြင့် တစ်နေ့ ပိဿာ ၁၅ဝဝ ခန့်နှင့် အရောင်းအဝယ်အေးနေတယ်လို့ သိရပါတယ်။ ဝင်းလဲ့ဝါ
Background