ဈေးအေးနေတဲ့ ရှမ်းကြက်သွန်ဖြူ ရှမ်းကြက်သွန်ဖြူရဲ့ ဈေးက စက်တင်ဘာလမှာ ခပ်အေးအေးသာရှိနေ ပါတယ်။ ရှမ်းပြည်နယ်တောင်ပိုင်းမှာလည်း ကုန်သည်လက်ကျန် တောင်သူ လက် ကျန်တွေနဲ့ ပေါင်းရင် ပိဿာချိန် ဆယ်သိန်းခန့် ကျန်နေသေးတယ်လို့ ကုန်သည်တွေက ခန့်မှန်းကြပါတယ်။ အခုလတ်တလော ဝယ်ယူနေကြတာ ကတော့ ရန်ကုန်ဝယ်လက်နဲ့ အောင်ပန်းဈေး ပတ်သမား တွေဖြစ်ပါတယ်။ အောင်ပန်းဈေးပတ် သမားတွေကတော့ ရထားနဲ့ နေပြည်တော်၊ နေပြည်တော်လယ်ဝေး၊ နေပြည်တော်ပျဉ်းမနား တစ်ဝိုက်ကို သွားရောင်းတဲ့သူတွေ ဖြစ်ပါတယ်။ တောင်သူတွေကလည်း ပြန်စိုက်ဖို့အတွက် မျိုးတွေကို နေလှန်းပြီးခွာ၊ မျိုးတွေခွဲနေကြပါပြီ။ သီတင်းကျွတ်မှာ တစ်ခါစိုက်ပြီး တန်ဆောင်မုန်းလမှာ နောက်တစ်ခါပြန်စိုက်တော့မှာ ဖြစ်ပါတယ်။ တောင်ကြီးဈေးကွက်ကိုလည်း ကြက်သွန်ဖြူအဝင်နည်းနေပါတယ်။ တောင်ကြီးနယ်တစ်ဝိုက်က တစ်ရက်ကို ပိဿာချိန် ၃ ထောင်ခန့်သာဝင်ပြီး ၅ ရက်တစ်ဈေးကို ပိဿာချိန် ၁၅ဝဝဝ ခန့်သာဝင်တယ်လို့ သိရပါတယ်။ ဒီတစ်ပတ်မှာ ကြက်သွန်ဖြူဈေး က အရင်တစ်ပတ်ကထက် ပိုတက်လာပြီး လတ်ခြား တစ်ပိဿာ ၂၆ဝဝ ကျပ်၊ ထူး(၁) ၂၇ဝဝ ကျပ်၊ ထူး (၂) ၂၈ဝဝ ကျပ်၊ ထူး (၃) ၂၉ဝဝ ကျပ်၊ ထူး (၄) ၃ဝဝဝ ကျပ်ဈေးရှိပါတယ်။ ဈေးကောင်းနေသလို အရောင်းကလည်း အနည်းငယ်သွက်နေတယ်လို့ ဒေသခံကုန်သည်တွေထံမှ သိရပါ တယ်။ ဧဧခိုင်
Background