ပဲလွန်းဖြူ အတင် တန် ၂ဝဝ သာ ရှိ

ပဲလွန်းဖြူ အတင် တန် ၂ဝဝ သာ ရှိ       ယခင်တစ်ပတ်က ပင်လယ်ရေကြောင်းတင်ပို့မှု တန် ၁ဝဝ အောက်ကျခဲ့တဲ့ ပဲလွန်းဖြူဟာ ယခုတစ်ပတ် (အောက်တို ဘာလ ၂၈ ရက်မှ နိုဝင်ဘာလ ၃ ရက်)အတွင်းမှာ တန်ချိန် ၂ဝဝခန့်တင်ပို့မှုရှိခဲ့ပါတယ်။ အဓိကတင်ပို့တာကတော့ အိန္ဒိယ၊ ထိုင်းနဲ့ ကိုရီးယားတို့ဖြစ်ပါတယ်။ အောက်တိုဘာလ တစ်လလုံးတင်ပို့မှုအနေနဲ့ တန်ချိန် ၈၅ဝ ခန့်သာရှိပြီး စက်တင်ဘာလ တင်ပို့မှုတန်ချိန် ၁၃၆ဝ ထက် လျော့ကျခဲ့သလို ၂ဝဝ၉ ခုနှစ်၊ အောက်တိုဘာလတင်ပို့မှု တန်ချိန် ၁၃ဝဝ ကျော်ထက်လည်း လျော့ကျတာတွေ့ရပါတယ်။ ယခင်နှစ်ထက် အထွက်လျော့ကျတာကြောင့် တင်ပို့မှု လျော့ကျခြင်းဖြစ်တယ်လို့ ကုန်သည် အသိုင်းအဝိုင်းရဲ့ သတင်းများအရ သိရပါတယ်။       ရန်ကုန် FOB ဈေးမှာယခင်တစ်ပတ်အတိုင်း တစ်တန်ကို ကန်ဒေါ်လာ ၈၈ဝ-၈၉ဝ ရှိပြီး အိန္ဒိယမွန်ဘိုင်း ဈေးကွက် မှာလည်း ပဲလွန်းဖြူ (ပဲခူး) တစ်တန်ကို ရူပီး ၄၈၅ဝဝ (ကန်ဒေဝ၉၃)မှာ ငြိမ်နေတယ်လို့ သိရပါတယ်။                                                                                                                         MIRT - MAPT