အောက်တိုဘာမှာ ရော်ဘာအပို့လျော့ အောက်တိုဘာ ၂၅ ရက်မှ ၃၁ ရက်ကာလအတွင်း ပင်လယ်ရေကြောင်းမှ ရော်ဘာ တန်ချိန် ၄၈၅ တန် တန်ဖိုး ကန်ဒေါ်လာ ၁ ဒသမ ၄၇ သန်းဖိုးတင်ပို့ခဲ့ပါတယ်။ ယခင်ရက်သတ္တပတ်က ၅၅၉ တန်တင်ပို့ခဲ့တာကြောင့်ယခုရက်သတ္တပတ်မှာ ၇၄ တန်လျော့နည်းတင်ပို့ခဲ့ပါတယ်။ တင်ပို့တဲ့နိုင်ငံများကတော့ တရုတ်ကို MSER-၂ဝ ၂ဝ၁ တန်၊ RSS-၅ ၅၄ တန်၊ မလေးရှားကို RSS -၃ ၂၃ဝ တန် အသီးသီးဖြစ်ပါတယ်။ လအလိုက်တင်ပို့ မှုကိုကြည့်မယ်ဆိုရင်ယခုနှစ် အောက်တိုဘာလ တစ်လလုံးမှာ ၃၂၃၃ တန်တင်ပို့ခဲ့ပြီး စက်တင်ဘာလက ၄၂၁၂ တန်တင်ပို့ခဲ့တာကြောင့်တင်ပို့မှုလျော့နည်းသွားခဲ့ပါတယ်။ ၂ဝဝ၉ အောက်တိုဘာတုန်းက ၄၄၅၂ တန်တင်ပို့ခဲ့တာကြောင့် ယခင်နှစ်ကာလတူထက်လည်းလျော့နည်း တင်ပို့ခဲ့ကြောင်း တွေ့ရှိရပါတယ်။ KZW
Background