ပြည်ပမှ တင်သွင်းမှု အားကောင်းနေလို့ အိန္ဒိယကုလားပဲဈေးကျဆင်း ပြည်ပမှ ပဲမျိုးစုံတင်သွင်းမှုမြင့်တက်ခြင်းကြောင့် အောက်တိုဘာလ ၂၇ ရက်နေ့ ကုလားပဲဈေး လျော့ကျခဲ့တယ်လို့ သိရပါတယ်။ ဒါပေမဲ့ အဓိကဈေးကွက် တွေမှာ ကုလားပဲလက်ကျန်က တစ်နေ့တစ်ခြား လျော့ကျလာတာကြောင့် ကာလတို အတွင်း ဈေးနှုန်းခိုင်မာဖွယ်ရှိတယ်လို့ ခန့်မှန်းကြပါတယ်။ တောင်သူများက ဈေးထပ်မံကျဆင်းမယ့် မျှော်မှန်းချက်တွေကြောင့် ကုလားပဲလက်ကျန်များ ထုတ် ရောင်းလာကြတယ်လို့ သိရပါတယ်။ မဟာရပ်ရှတရာ၊ ကာနာတာကာနဲ့ အတ္တရာပရာဒေ့ရှ်တို့မှာ ဆောင်းသီးနံှ ကုလားပဲစိုက်ပျိုးမှု တိုးတက်နေပြီး အစိုးရက ၂ဝ၁၁ မှာ ကုလားပဲတန်ချိန် ၇ ဒသမ ၅ သန်းထွက်ရှိဖို့ ရည်မှန်းထားတယ်လို့ သိရပါတယ်။ စိုက်ဧရိယာတိုးတက်မှု သတင်းတွေကြောင့် နိုဝင်ဘာလနောက်ပိုင်းမှာတော့ ကုလားပဲကြိုပွိုင့်ဈေး ကျဆင်း နိုင်တယ်လို့ ခန့်မှန်းကြပါတယ်။ ယမင်းခင်၊ Sources: commodityonline
Background