ဆောင်းရာသီအအေးဓါတ်နှင့်အတူ စားအုန်းဆီစားသုံးမှုကျဆင်းပြီး ပဲဆီစားသုံးမှုမြင့်တက်လာ ဆောင်းရာသီအအေးဓါတ်နဲ့အတူ စားအုန်းဆီအေးခဲခြင်းကြောင့် စားသုံးမှုကျဆင်းပြီး ပဲဆီစားသုံးမှု မြင့်တက်လာ ကြောင်း မန္တလေးမြို့ ဆီဈေးကွက် က သိရပါတယ်။ '' ဒီလမှာ ပဲဆီစားသုံးမှုမြင့်တက်လာတဲ့အတွက် ဈေးမာလာတယ်။ အထက်ပိုင်းဒေသတွေက ပဲဆံမခူးဆွတ်ရသေးလို့ ထွက်ရင်အင်နဲ့အားနဲ့ ဝင်လာနိုင်တယ်။ ဒီနှစ် ပဲဆံအထွက်ကောင်းတဲ့အတွက် ဈေးပြန်ကျလာ နိုင်ပါတယ်။ စားအုန်း ဆီက ဒီရက်ပိုင်း အဝင်နည်းပေမယ့် စားသုံးမှုလျော့တဲ့အတွက် သွင်းကုန်လျော့ကျ သင့်တယ်။ နှမ်းဆီဈေးကတက်နိုင်တယ်။ မနှစ်က နှမ်းအထွက်နည်းတဲ့အတွက်ကြောင့် ဈေးတက်နိုင်ပြီး စားသုံးမှုလျော့နိုင်တယ်။ စားအုန်းဆီနဲ့ နှမ်းဆီစားသုံးမှု လျော့ပြီး ပဲဆီ စားသုံးမှုမြင့်လာပေမယ့် ဒီနှစ်ပဲဆံအဝင်များလာနိုင်လို့ ဈေးကျဆင်းနိုင်တယ်'' လို့ ဆီကုန်သည်တစ်ဦးက ပြောပါတယ်။ လတ်တလောမှာ စားသုံးဆီဈေးနှုန်းများမြင့်တက်လာပြီး ပဲဆီတစ်ပိဿာကို ၃၂ဝဝ ကျပ်၊ ၃၃ဝဝ ကျပ်၊ နှမ်းဆီ ၂၉ဝဝ ကျပ်၊ ၂၈၅ဝ ကျပ်၊ စားအုန်းဆီ ၂၄ဝဝ ကျပ်၊ ၂၃၅ဝ ကျပ်ဈေးရှိကြောင်း သိရပါတယ်။ ဇူးဇူး
Background