ရှန်ဟိုင်း၊ စင်ကာပူ၊ ထိုင်းနိုင်ငံများ၌ ရော်ဘာဈေးနှုန်း မှတ်တမ်းတင်လောက်အောင် မြင့်တက်လျက်ရ အာရှရဲ့ရော်ဘာ အဓိကထုတ်လုပ်တဲ့နိုင်ငံများမှာ မိုးရွာပြီးရေလံျှတာကြောင့် ရှန်ဟိုင်း၊ စင်ကာပူနဲ့ ထိုင်းနိုင်ငံတို့မှာ ရော်ဘာ ဈေးနှုန်းများ မှတ်တမ်းတင်လောက်အောက် မြင့်တက်ပြီး တိုကိုျရဲ့အလားအလာကတော့နှစ် ၃ဝ အတွင်းမှာ အမြင့်ဆုံး ဖြစ်နိုင်ပါတယ်။ ရှန်ဟိုင်းကုန်စည်ဒိုင်မှာမေလအတွက် ရော်ဘာဈေးနှုန်း ၃ ဒသမ ၅ ရာခိုင်နှုန်းတက်ပြီး တစ်တန်ကို ၃၇ဝ၇ဝ ယွမ် ( ၅၅၅၈ ဒေါ်လာ)အထိ ရောက်ရှိခဲ့ပြီး စင်ကာပူကုန်စည်ဒိုင်ရဲ့ ရော်ဘာဈေးနှုန်းက ၂ ဒသမ ၈ ရာခိုင်နှုန်းမြင့် တက်ခဲ့ပါတယ်။ဒီဇင်ဘာလအတွက် ဈေးနှုန်းက တစ်ကီလိုဂရမ်ကို ၄ ဒသမ ၃၄ ဒေါ်လာရှိကြောင်း သိရပါတယ်။ ရေကြီးမှု ကြောင့် ရော်ဘာထုတ်လုပ်ရေးမှာ ပျက်စီးမှုတွေများလာပြီး ထိုင်းနိုင်ငံရဲ့ ဈေးနှုန်း ထပ်မံတက်ဖွယ်ရှိကြောင်း အဂရိုဝဲသ့်ကုမ္ပဏီမှ ကုန်ပစ္စည်း သုတေသီတစ်ဦးကပြောကြားခဲ့ပါတယ်။ ဇွန်လအတွက် ထိုင်းနိုင်ငံရဲ့ ကုန်စည်ဒိုင်ဈေးနှုန်းက ဒသမ ၄ ရာခိုင်နှုန်းမြင့်တက်ပြီး တစ်ကီလိုဂရမ်ကို ၁၃၁ ဘတ် (၄ ဒသမ ၄ဒေါ်လာ) ရှိကာ ၂ဝဝ၄ ခုနှစ် စာချုပ်ဈေးနှုန်းနှင့် နှိုင်းယှဉ်ပါက အမြင့်ဆုံးဈေး ဖြစ်နေကြောင်း သိရပါတယ်။ လက်ငင်းဈေးကတော့ ဝ ဒသမ ၂ ရာခိုင်နှုန်းတိုးလာပြီး တစ်ကီလိုဂရမ်ကို ၁၂၅ ဘတ် ( ၄ ဒသမ ၂ ဒေါ်လာ) ရှိကြောင်း ထိုင်းရော်ဘာ သုတေသနဌာနက ပြောကြားခဲ့ပါတယ်။ ဆွန်ခလာမှာ ရှိတဲ့ရော်ဘာရောင်းဝယ်ရေး ဌာနကို နိုဝင်ဘာပထမပတ်ကရေကြီးမှုကြောင့် ပိတ်ထားခဲ့ရပါတယ်။ရောင်းလိုအား အခက် အခဲကြောင့် ရော်ဘာကတော့ ဆက်လက်ဈေးတက်ဦးမှာဖြစ်ပြီး အင်ဒိုနီးရှားမှာ မိုးကြီးမှုကြောင့် ရော်ဘာအထွက်နှုန်း ကန့်သတ်မှု ရှိနေပြီး မီးတောင် ပေါက်ကွဲမှုကြောင့်လည်း ရောင်းလိုအား အကြပ်အတည်း ဖြစ်နိုင်ဖွယ်ရှိကြောင်းသုတေသီများက ပြောကြားခဲ့တယ်လို့ သတင်းရရှိပါ တယ်။ Source: Bloomberg,KZW
Background