ဗီယက်နမ် နဂါးမောက်သီးများ ကိုရီးယားဈေးကွက်ရရှိသွား ဗီယက်နမ်နိုင်ငံမှ နဂါးမောက်သီးများ တောင်ကိုရီးယား နိုင်ငံသို့ တင်သွင်းခွင့်ပြုလိုက်ပြီဖြစ်ရာ အမေရိကန်နဲ့ ဂျပန် နိုင်ငံပြီးလျှင် တောင်ကိုရီးယားသည် တတိယမြောက် တင်သွင်းခွင့်ရရှိသွားတဲ့ နိုင်ငံဖြစ်ပါတယ်။ ဗီယက်နမ်နိုင်ငံရဲ့ နဂါးမောက်သီးဟာ တောင်ကိုရီးယားနိုင်ငံသို့ တင်ပို့ခွင့်ရတဲ့ ပထမဦးဆုံးသော သစ်သီးအစို ဖြစ်တယ်လို့ ဗီယက်နမ်နိုင်ငံ စိုက်ပိးရေးဝန်ကြီးဌာနမှ ထုတ်ဖော်ပြောကြားခဲ့ပါတယ်။ ဗီယက်နမ်နိုင်ငံမှ နဂါးမောက် သီးများကို တောင်ကိုရီးယားသို့ တင်ပို့ခြင်းမပြုမီ အပူဓာတ် ပေးမှု (Heat-treated)ပြုလုပ်ပေးရန် လိုအပ်တယ်လို့ သိရပါတယ်။ ယခုနှစ်ဆန်းပိုင်းက ကိုရီးယားကျွမ်းကျင်သူများဟာ ဗီယက်နမ်နိုင်ငံရှိ နဂါးမောက်သီး စိုက်ပျိုးတဲ့ ဒေသများနဲ့ ထုတ်လုပ်မှုနည်းစနစ်များကို လာရောက်လေ့လာခဲ့တယ်လို့ သိရပါတယ်။ ဆက်လက်ပြီး သြစတေးလျနဲ့ နယူးဇီလန်နိုင်ငံများသို့ ဗီယက်နမ် နဂါးမောက်သီးဈေးကွက် ထိုးဖောက်နိုင်ရေး အတွက် ကမ်းလှမ်းလျက်ရှိတယ်လို့လည်း သတင်းရရှိပါတယ်။ KKCM
Background