မုံရွာမတ်ပဲဈေးကွက် အသစ်ထက် အဟောင်းကအရောင်းသွက် စစ်ကိုင်းတိုင်းဒေသကြီးမှာ မတ်ပဲကို မိုးထက်ဆောင်းမှာ အစိုက်များပါတယ်။ မိုးမတ်ပဲကို လျာထားချက်မရှိပေမဲ့ အရာတော်၊ ချောင်းဦ၊ ဝက်လက်၊ စစ်ကိုင်း၊ မြင်းမူ၊ မြောင်မြို့နယ်များမှာ ဧက တစ်သောင်းခန့် စိုက်ခဲ့တယ်လို့ သိရပါတယ်။ ယခုနှစ်မိုးရာသီမှာ ရာသီမိုးနဲ့အတူ မုန်တိုင်းမိုးက ဖြည့်စွက်ပြီး မိုးရွာသွန်းမှုများခဲ့တဲ့အတွက် ယခုနှစ်မှာ မိုးထွက်မတ်ပဲများ အများစုအရည်အသွေး အနည်းငယ်ညံ့ခဲ့တယ်လို့ ဆိုပါတယ်။မတ်ပဲတစ်တင်းမှာ (နိမ့်) ၂၇၅ဝဝ ကျပ်( မြင့်) ၂၉ဝဝဝ ကျပ်ရှိ နေပြီး ရန်ကုန် ပြည်ပ ဝယ်လက်နှင့် ခွဲခြမ်းသမား (ပဲခွဲစက်) များကအသစ်ထက်အဟောင်းပဲကို အဝယ်များတယ်လို့ ကုန်သည် ရပ်ကွက်က ပြောပါတယ်။ အောင်မင်း
Background