တရုတ်နိုင်ငံအခြေစိုက် ကမ္ဘာကျော် မော် တော်ကား ထုတ်လုပ်ရေးလုပ်ငန်းတစ်ခု ဖြစ်သည့် FAW ဂရု(ပ်) ကုမ္ပဏီလီမိတက်သည် ၎င်းတို့၏ ပထမဦးဆုံးသော တရုတ်-ဥရောပ ကုန်တင်ရထား ကို စတင်ပြေးဆွဲနေပြီဖြစ်ကြောင်း သိရသည်။
FAW ကုမ္ပဏီမှ ထုတ်လုပ်သည့် နည်းပညာ မြင့် ကားပစ္စည်း အစိတ်အပိုင်းများ တင်ဆောင် ထားသော ရထားတစ်စင်းသည် တရုတ်နိုင်ငံ အရှေ့မြောက်ပိုင်း ကျီလျင်ပြည်နယ် ချန်ချွမ်းမြို့မှ ဥရောပသို့ သြဂုတ် ၂၇ ရက်က စတင်ထွက်ခွာ သွားခဲ့ခြင်းဖြစ်သည်။ ယင်းမှာ အဆိုပါ ကုမ္ပဏီ၏ ပထမဆုံးသော တရုတ်-ဥရောပ တိုက်ရိုက် အမြန် ချောပို့ရထားလမ်း ဝန်ဆောင်မှုအဖြစ် မှတ်တမ်း တင်နိုင်ခဲ့ခြင်းဖြစ်သည်။
တရုတ်နိုင်ငံမှ ဥရောပသို့ စတင်ပြေးဆွဲ သော အဆိုပါရထားသည် FAWကုမ္ပဏီ၏Jiefang နှင့် Bestuneကားအမှတ်တံဆိပ်များအတွက် လိုအပ်သည့် ပစ္စည်းအစိတ်အပိုင်းများကို တင် ဆောင်လာပြီး ခရီးအကွာအဝေး ကီလိုမီတာ ၇၉၀ဝ ခန့်အထိ မောင်းနှင်ရမည်ဖြစ်သည်။ ယင်း ရထားသည် မန်ကျိုးလီဆိပ်ကမ်းတွင် ခေတ္တ ရပ်နားပြီးနောက် ၎င်းကိုဖြတ်သန်းကာ ဥရောပသို့ ဆက်လက်ထွက်ခွာမည်ဖြစ်ကြောင်း သတင်းတွင် ဆက်လက်ဖော်ပြထားသည်။
FAWကုမ္ပဏီသည် တရုတ်-ဥရောပ အမြန် ချောပို့ရထားလမ်း ဝန်ဆောင်မှုလုပ်ငန်းများကို လုပ်ကိုင်ရန်အတွက် ခွင့်ပြုချက်ရရှိထားသည့် တစ်ခုတည်းသော တရုတ်နိုင်ငံမှ ကားထုတ်လုပ်သူ ဖြစ်သည်။FAW သည် သယ်ယူပို့ဆောင်ရေး နည်း လမ်းမျိုးစုံကို ရေကြောင်းဖြင့်သာမကဘဲ ရထား နှင့်ပါ ကုန်စည်ပို့ဆောင်မှုနှင့် နိုင်ငံရပ်ခြား ဂိုဒေါင် များအထိ အချိန်မီ ပေးပို့နိုင်ရန် တီထွင်ဆန်းသစ် လုပ်ဆောင်ထားသည်ဟု ဆိုသည်။
FAW ကုမ္ပဏီ၏ အဆိုပါ ဝန်ဆောင်မှုများ သည် သယ်ယူပို့ဆောင်ရေး စရိတ်အားလုံးကို ထိထိရောက်ရောက် လျှော့ချပေးခြင်းနှင့် ကုန် ပစ္စည်း ထောက်ပံ့မှုကွင်းဆက်များကို ခံနိုင်ရည် သိသိသာသာ တိုးမြှင့်ပေးနိုင်မည်ဖြစ်ကြောင်း သိရသည်။
ပုံမှန် ပင်လယ်ရေကြောင်းမှ တင်ပို့မှုနှင့် နှိုင်းယှဉ်ပါက ရထားဝန်ဆောင်မှု၏ သယ်ယူ ပို့ဆောင်မှု ကြာချိန်ကို ၄၅ ရက်မှ ၁၈ ရက်အထိ လျှော့ချပေးနိုင်မည်ဖြစ်ပြီး သယ်ယူပို့ဆောင်စရိတ် ကိုလည်း ၃၀ ရာခိုင်နှုန်းကျော်အထိပင် သက်သာ စေမည်ဖြစ်သည်။
FAWကုမ္ပဏီသည် မော်တော်ကား တင်ပို့မှု နှစ်စဉ် မြင့်တက်လျက်ရှိပြီး သက်ဆိုင်ရာနိုင်ငံများ နှင့် ပူးပေါင်းထုတ်လုပ်သည့်Hongqi အမှတ် တံဆိပ် စွမ်းအင်သစ်မော်ဒယ်ကို မကြာသေးမီ ကာလက ဥရောပဈေးကွက်တွင် ပွဲထုတ်နိုင်ခဲ့ပြီ ဖြစ်သည်။
Source; Xinhua
စိုင်းဗညား