၀ါသီးနှံအား မြန်မာနိုင်ငံတွင် မိုးကြိုရာသီ၊ မိုးရာသီနှင့် မိုးနှောင်းရာသီများတွင် စိုက်ပျိုးလျက်ရှိရာ မန္တလေးတိုင်းဒေသကြီး မြစ်သားမြို့နယ်တွင် မိုးကြိုဝါများ ရိတ်သိမ်းပြီးစီးလုနီးပါးရှိသည်။ ယခင်နှစ်က မိုးကြိုဝါအား ဧက ၁၀၁၀ သာ စိုက်ပျိုးနိုင်ခဲ့ပြီး ယခု နှစ်တွင် ၂၁၂၅ ဧက စိုက်ပျိုးနိုင်ခဲ့ကြောင်း သိရသည်။
မိုးကြိုဝါအား ဖေဖော်ဝါရီလလယ်မှ မတ်လအတွင်း စတင် စိုက်ပျိုးပြီး တောင်သူများမှာ Raca နှင့်B 31 မျိုးများကို စိုက်ပျိုးကြ သော်လည်း တောင်သူအများစုမှာ အထွက်နှုန်းကောင်းမွန်ပြီး ပိုးမွှားအန္တရာယ်ဒဏ် ခံနိုင်ရည်ရှိသည့်Raca မျိုးကို အများဆုံး စိုက်ပျိုးကြသည်။ ျွခေေ မျိုးကို အချို့တောင်သူများက ကုမ္ပဏီထံမှ ဝယ်ယူပြီးစိုက်ပျိုးကြသော်လည်း အချို့မှာ ယခင်နှစ် ဝါသီးနှံပေါ် ချိန်တွင် ဝါကောက်ပြီး မျိုးအဖြစ် ပြန်လည်အသုံးပြု၍လည်း ကောင်းစိုက်ပျိုးကြသည်။ ဝါစိုက်ပျိုးမှုအနေဖြင့် တစ်ဧကလျှင် ပျိုးထုတ်ဝယ်ယူ၍ စိုက်ပျိုးပါက မျိုးစေ့ထုပ် နှစ်ထုတ်ကုန်ကျပြီး ယခင်ဝါသီးနှံပေါ်ချိန်၌ ကောက်ယူထားသော မျိုးစေ့အား အသုံး ပြုပါက ငါးပိဿာခန့် ကုန်ကျကြောင်း၊ မျိုးစေ့တစ်ထုပ်လျှင် ကျပ် ၅၀ဝ၀ဝ နှင့် မျိုးစေ့တစ်ပိဿာလျှင် ကျပ် ၄၀ဝ၀ ကုန်ကျကြောင်း၊ မျိုးစေ့ထုပ်ဖြင့် စိုက်ပျိုးပါက တစ်ဧကလျှင် ကျပ် ၁၀ဝ၀ဝ၀ ကုန် ကျပြီး ဝါကောက်ပြီး ရယူထားသောမျိုးစေ့ စိုက်ပျိုးပါက တစ်ဧက လျှင် ကျပ် ၂၀ဝ၀ဝ ကုန်ကျသည်။ တစ်ဧက ကုန်ကျစရိတ်အနေဖြင့် မျိုးစေ့၊ သွင်းအားစု၊ နွား ရှဉ်းခ၊ လုပ်သားခအပါအဝင် စုစုပေါင်း ကျပ် ၉၀ဝ၀ဝ၀-၁၀ဝ၀ဝ၀ဝ အထိ ကုန်ကျကြောင်း သိရသည်။ ဝါထွက်ရှိမှုအနေဖြင့် ယခင် နှစ်က တစ်ဧကလျှင် ပိဿာ ၈၀ဝ-၁၀ဝ၀ အထိထွက်ရှိပြီး ဝါဈေး နှုန်းအနေဖြင့် တစ်ပိဿာလျှင် စတင်ထွက်ရှိချိန်တွင် ကျပ် ၃၀ဝ၀-၃၅၀ဝ ရရှိ၍ လှိုင်လှိုင်ထွက်ပေါ်ချိန်တွင် ဝါအရည်အသွေး ကောင်းပါက ကျပ် ၄၀ဝ၀အထိ ရရှိခဲ့ကြောင်း၊ ယခုနှစ်တွင် စတင်ထွက်ပေါ်ချိန်၌ ဝါတစ်ပိဿာလျှင် ကျပ် ၃၀ဝ၀-၃၅၀ဝ ဈေးနှုန်းရှိခဲ့သည်။ စက်တင်ဘာလတွင် ဝါအမျိုးအစားပေါ်မူတည်ပြီး တစ် ပိဿာလျှင် ကျပ် ၄၁၀ဝ-၄၁၅၀အထိ ဝါဈေးနှုန်းများ မြင့်တက် လာသည်။
သို့ဖြစ်၍ ဝါစိုက်တောင်သူများ အကျိုးအမြတ်များ ပိုမို ရရှိလာကြောင်း ဝါကုန်သည်များထံမှ သိရသည်။
MDYDOCA ၊ ဇော်မင်းလတ်