ဓာတ်ဆီအစားအောက်တိန်းဆီများကို ပိုမိုအသုံးပြုလာ ယခုအခါတွင် မော်တော်ယာဉ်အများစုမှာ ဓာတ်ဆီထက် အရည် အသွေးပိုမြင့်သော အောက်တိန်းဆီများကို ပိုမိုအသုံးပြုလာကြောင်း သူရိယ စွမ်းအင် စက်သုံးဆီအရောင်းဆိုင်မှ မန်နေဂျာ ဦးသူရကပြောကြားသည်။ ''အခု ဓာတ်ဆီပြင်ပပေါက်ဈေးက အောက်တိန်းဆီဈေးနဲ့ သိပ်ပြီး ကွာခြားမှုမရှိတာကြောင့် အောက်တိန်းဆီကို ပြောင်းပြီးသုံးစွဲလာကြတယ်။ အောက်တိန်းဆီက ဓာတ်ဆီအသုံးပြုယာဉ်တွေမှာလည်း အစားထိုး အသုံး ပြုလို့ရတယ်။ ဆီစားနှုန်းလည်း သက်သာတဲ့အပြင် အင်ဂျင်ဆွဲအားလည်း ကောင်းတယ်။ အခုဆို အောက်တိန်းဆီက ရောင်းအားလည်း မြင့်တက်လာတယ်။ အရင်ရောင်းအားထက် နှစ်ဆကျော်လောက်ကိုတက် လာတယ်။ အရင် တစ်ရက်ကို ဂါလန်လေးငါးရာ ရောင်းရရင်၊ အခုဆို တစ်ရက်ကို ဂါလန် တစ်ထောင်ကျော်လောက်ရောင်းလာရတယ်''ဟု ၎င်းက ပြောကြားသည်။ အဆိုပါ အောက်တိန်းဆီများကို ပြောင်းလဲအသုံးပြုရာတွင် ဆီစား သက်သာ၍ အင်ဂျင်ပါဝါသက်သာသော်လည်း ကြာရှည်စွာ အသုံးပြုပြီး ပါက ဓာတ်ဆီကို ပြန်လည်အသုံးပြုမည်ဆိုပါက အင်ဂျင်ကို များစွာထိခိုက် စေနိုင်ကြောင်းနှင့် အောက်တိန်းဆီဈေးနှုန်းမှာလည်း ယခင်တစ်ဂါလန် ၃၁ဝဝ ကျပ်သာရှိရာမှ ယခုအခါတွင် တစ်ဂါလန် ၃၂ဝဝ ကျပ်အထိ မြင့် တက်လာကြောင်း သိရသည်။ မင်းသန့်
Background