လက်ကျန်ပဲများတင်ပို့နေတဲ့ ထောပတ်ပဲနဲ့ ပဲယင်း
လက်ကျန်ပဲများတင်ပို့နေတဲ့ ထောပတ်ပဲနဲ့ ပဲယင်း လက်ကျန်ပဲများ ကုန်သလောက်ဖြစ်နေပြီး ပဲအသစ်များမှာလည်း ယခုလ နှောင်းပိုင်းမှာ ထွက်မှာဆိုတော့ အနည်းအကျဉ်းသာကျန်တဲ့ လက်ကျန်ပဲများ ဆက်လက်တင်ပို့နေပါသေးတယ်။ ယခုတစ်ပတ်အတွင်းမှာတော့ နိုဝင်ဘာလ ၂၆ ရက်နဲ့ ၂၉ ရက်မှာ ထောပတ်ပဲတန်ချိန် ၆ဝ ကျော်နဲ့ ပဲယင်းတန် ၅ဝ ကိုရီးယားနဲ့ အရှေ့အလယ်ပိုင်းကို တင်ပို့ခဲ့တာတွေ့ရပါတယ်။ ရန်ကုန် FOB ဈေးအနေနဲ့ ယခင်တစ်ပတ်ဈေးထက် အနည်းငယ်မြင့်ကာ FAQ တစ်တန်ကို ကန်ဒေါ်လာ ၁၁ဝဝ- ၁၁၁ဝ ၊ ပဲယင်းတစ်တန်ကို ကန်ဒေါ်လာ ၆၇၅-၆၈၅ ဈေးဖြစ်ကြောင်း သိရပါတယ်။ MIRT - MAPT
