ပြင်ဦးလွင်မြို့ သီရိပဒေသာ ယာဉ်ရပ်နားစခန်းမှ ပွဲရုံတန်းနှင့်ဈေးဆိုင်ခန်းများကို အရစ်ကျစနစ်ဖြင့်ရောင်းမည် ပြင်ဦးလွင်မြို့၊ သီရိပဒေသာယာဉ် ရပ်နားစခန်းမှ ပွဲရုံတန်းနဲ့ ဈေးဆိုင်ခန်း များကို အရစ်ကျစနစ်ဖြင့် လွတ်လပ်စွာ ရောင်းချပေးမယ်လို့သိရပါတယ်။ သီရိပဒေသာ ယာဉ်ရပ်နားစခန်း ကြီးကြပ်ရေးမှူးက '၂ဝ၁၁ ခု မတ်လ ပိုင်းမှာ ပွဲရုံတန်းကို အပြီးတည်ဆောက်မယ်။ ပွဲရုံတန်းက RC နှစ်ထပ် ၃၆ လုံး၊ အခန်းပေါင်း ၁၄၄ ခန်း ဆောက်မယ်။ တစ်ထပ်ဈေးဆိုင်ခန်းက အခန်း ၄ဝ ဆောက်ပြီးပြီ။ ၁ဝ ခန်းပဲ ရောင်းဖို့ကျန်တယ်။ မည်သူမဆို အရစ်ကျစနစ်နဲ့ ဝယ်ယူလို့ရပါတယ်'ဟု ပြောပါတယ်။ နှစ်ထပ်ပွဲရုံတန်းမှာ ယာဉ်ရပ်နား စခန်းအနောက်ဘက်မှာ ၁၅ ပေ x ၄၅ ပေ အကျယ်တည်ဆောက်ထားပြီး ရေ၊ မီး အပြည့်အစုံပါရှိမှာဖြစ်ပါတယ်။ ပွဲရုံ တန်းမှာ ပြင်ဦးလွင်ဒေသထွက် ကုန်စိမ်း များနဲ့ ကုန်မာပစ္စည်းများ အများဆုံး ရောင်းချမှာဖြစ်ပါတယ်။ နှစ်ထပ် လူနေ ပွဲရုံတန်းတစ်ခန်းလျှင် သိန်း ၃ဝဝ၊ ၃၅ဝ ကျပ်အတွင်း ၊ တစ်ထပ်ဈေးဆိုင်ခန်းမှာ တစ်ခန်းလျှင် သိန်း၁၅ဝကျပ်ဖြင့်ရောင်း ချမှာဖြစ်ကြောင်း သိရပါတယ်။ ဇူးဇူး
Background