ကုန်စည်ဒိုင်သုံးသပ်ချက် မတ်ပဲ(ကုန်ကြမ်း) ကို မတ်ပဲသန့်စင်ရန် ဝယ်ယူနေတဲ့ ကုန်သည်များနဲ့ ဝယ်ရောင်းကုန်သည်ကြီးများက ရန်ကုန် ဘုရင့်နောင် ဈေးကွက်မှာ မတ်ပဲ (RC) ရောင်းဈေးကျနေတာကို အကြောင်းပြပြီး ဈေးလျှော့အဝယ်ရှိတာကြောင့် ဘုရင့်နောင်၊ မန္တလေး၊ မုံရွာ၊ ပြည်နဲ့ ဟင်္သာတမှာ ဈေးကျနေကြောင်း တွေ့ရပါတယ်။ ပဲစင်းငုံနီကို ပြည်ပ တင်ပို့ရန်ဝယ်ယူနေတဲ့ ကုန်သည်များနဲ့ ဝယ်ရောင်းကုန်သည်များက ရန်ကုန်ဈေးကွက်မှာ ပို့ကုန်ဝင်ငွေဒေါ်လာ တစ်ယူနစ်တန်ဖိုး ဈေးအနည်းငယ်ကျနေမှုအပေါ်မူတည်ပြီး ဈေးချ အဝယ်ရှိတာကြောင့် မန္တလေး၊ မကွေး၊ မုံရွာ၊ မြင်းခြံနဲ့ ပခုက္ကူမှာ ဈေးကျနေကြောင်း သိရပါတယ်။ ပဲတီစိမ်းကြီးကို တရုတ်ပြည်တင်ပို့ရန် ဝယ်ယူနေတဲ့ကုန် သည်ကြီးများနဲ့ ရန်ကုန်ဝယ်လက်က အဝယ်အထိုက်အလျောက်သာ ရှိတာကြောင့် မန္တလေး၊ မကွေး၊ မုံရွာ၊ ပြည်၊ ပခုက္ကူနဲ့ အောင်လံမှာ ဈေးကျနေပြီး မကွေးနဲ့ မြင်းခြံမှာ ဈေးငြိမ်နေကြောင်း တွေ့ရ ပါတယ်။
Background