မြေပဲပေါ်ချိန် အဝင်လှိုင်လို့ ဈေးချို ဒီတစ်ပတ်မှာ မြေပဲဈေးအနည်းငယ်ကျလာပါတယ်။ ရှမ်းပြည်နယ် တောင်ပိုင်း ရှိ တောင်ကြီးရပ်စောက်၊ ဟိုပုံး၊ ဆီဆိုင်နဲ့ လွိုင်လင်ခရိုင် ခိုလန်၊ ကွန်းဟိန်းစတဲ့ နယ်တွေက မြေပဲများအဝင်များလာလို့ ဈေးကျလာတယ်လို့ ဆိုပါ တယ်။ ယခင်တစ်ပတ်က မြေပဲ ဆီဆံတစ်ပိဿာ ၁၅ဝဝ ကျပ်၊ ဆုံဝင် တစ်ပိဿာ ၁၆၅ဝ ကျပ်ရှိပါတယ်။ ဒီတစ်ပတ်မှာတော့ မြေပဲဆီဆံ တစ်ပိဿာ ၁၄၅ဝ ကျပ်၊ ဆုံဝင်တစ်ပိဿာ ၁၅၅ဝ ကျပ်၊ ၁၆ဝဝ ကျပ်ဈေးနဲ့ အနည်းငယ်ကျလာပါတယ်။ မြေပဲဖတ် တစ်ပိဿာ ၇၇ဝ ကျပ်၊ မြေပဲဆီသန့် တစ်ပိဿာ ၃၅ဝဝ ကျပ်၊ မြေပဲဆီအရော ၃ဝဝဝ ကျပ်နဲ့ အရောင်းအဝယ်ဖြစ်တယ်လို့ ဆီစက်လုပ်ငန်းရှင်များ ထံက သိရပါတယ်။စောယုထွေး
Background