ပဲထုတ်လုပ်မှုကိုး တိုးမြှင့်ခြင်းဖြင့် အိန္ဒိယငွေကြေးဖောင်းပွမှုကို လျှော့ချ အိန္ဒိယအစိုးရက ကြက်သွန်ဈေးနှုန်းကျဆင်းဖို့ ကြက်သွန်နီ တင်ပို့မှု ကို ပိတ်ပင်လိုက်ခြင်းနဲ့ ပဲမျိုးစုံထုတ်လုပ်မှု မြင့်တက်ခြင်းတို့ကြောင့် ငွေကြေး ဖောင်းပွမှုကို လျှော့ချနိုင်လိမ့်မယ်လို့ ယုံကြည်ကြောင်း အိန္ဒိယ ဘဏ္ဍာရေး ဝန်ကြီး Pranab Kumar Mukherjee က ပြောကြားပါတယ်။ ယခင်နှစ်နဲ့ နှိုင်းယှဉ်ရင် ယခုနှစ် ပဲထုတ်လုပ်မှုဟာ တန်ချိန် ၂ သန်းခန့် မြင့်တက်မှာ ဖြစ်တယ်လို့လည်း ဆိုပါတယ်။ အိန္ဒိယနိုင်ငံဟာ ယခုနှစ် ပဲဝယ်လိုအား တန်ချိန် ၁၈ သန်း ကျော် နိုင်ပြီး ထုတ်လုပ်မှုက တန်ချိန် ၁၆ ဒသမ ၅ သန်းခန့် ရှိမယ်လို့ ဆိုပါတယ်။ အိန္ဒိယနိုင်ငံရဲ့ ငွေကြေးဖောင်းပွမှုဟာ နိုဝင်ဘာလမှာ ၇ ဒသမ ၄၈ ရာခိုင်နှုန်း ရှိလို့ ၁၁ လအတွင်း အနိမ့်ဆုံးကို ကျဆင်းခဲ့ပြီး ယခုလကုန်ပိုင်းမှာ အနည်းငယ်မြင့်တက်လာဖွယ်ရှိပေမဲ့ ဇန်နဝါရီလ မှာတော့ အကျဘက်ကို ဆက်လက် ဦးတည် နိုင်တယ်လို့ ခန့်မှန်းထားပါတယ်။ ယမင်းခင်၊ ှSources: commodityonline
Background