ယခုလအတွင်း စားနပ်ရိက္ခာဈေးနှုန်း ဖောင်းပွမှုက ၁၄ ဒသမ ၄၄ ရာခိုင်နှုန်းကိုရောက်ရှိခဲ့ပြီး၊ သာမန်မိသားစုများရဲ့ ဝင်ငွေကို ထိခိုက်စေ တာကြောင့် အဓိကကုန်စည်တွေရဲ့ ဈေးနှုန်းတွေကို အိန္ဒိယ အစိုးရဝန်ကြီး များက ပြန်လည်သုံးသပ်ခဲ့ကြတယ်လို့ သိရပါတယ်။ ဒါကြောင့်လည်း အစိုးရက ပဲမျိုးစုံနဲ့ သကြားစတဲ့ စားကုန်တွေ တိုးတက်ရရှိနိုင်ဖို့ ပဲမျိုးစုံ ပြည်ပတင်ပို့မှု ပိတ်ပင်ခြင်းကို ၂ဝ၁၂ခုနှစ် မတ်လအထိ သက်တမ်းတိုး ခဲ့သလို ကုန်သည်များ သကြားသိုလှောင်မှု ကန့်သတ်ခြင်းကိုလည်း ၂ဝ၁၁ မတ်လအထိ ကန့်သတ်လိုက်တယ်လို့ သိရပါတယ်။ မတ်ပဲဈေး ပြန်လည်မြင်လာ ယခင်သီတင်းပတ်တွေက ဈေးဆက်လက်ကျဆင်းခဲ့ပေမဲ့ ယခုသီတင်းပတ်မှာတော့ ပြန်လည်ခိုင်မာလာပါတယ်။ အရည်အသွေးကောင်း မတ်ပဲကို အဝယ်ဆက်တိုက်ရှိနေတာကြောင့် ပြည်တွင်းဈေးကွက်တွေမှာ မြန်မာမတ်ပဲကို အဝယ်တက်လာပါတယ်။ ဒီဇင်ဘာလ ၂၄ ရက်နေ့အထိ ဆောင်းမတ်ပဲ စိုက်ပျိုးပြီးစီးမှုဟာ ဟက်တာ ၅ ဒသမ ၄၉ သိန်းရှိလို့ ယခင်နှစ်ကာလတူစိုက်ဟက်တာ ၅ ဒသမ ၂၄ သိန်းထက် ပိုမိုနေတာ တွေ့ရပါတယ်။ လွန်ခဲ့တဲ့တစ်ပတ်အတွင်း မတ်ပဲတစ်တန်ကို ရူပီး ၃ဝဝဝ (ကန်ဒေါ်လာ ၆၆ ဒသမ ၅၄) ဝန်းကျင် တိုးတက်လာခဲ့လို့ ဝယ်လက် များက ဒေစီမတ်ပဲကို ဈေးမြင့်ပေးဝယ်ယူဖို့ နှောင့်နှေးနေကြပါတယ်။ အတ္တရာပရာဒေ့ရှ်ကို ပဲအသစ်ဝင်ရောက်မှုဟာ ဒီဇင်ဘာလကုန်မှာ ပုံမှန် ဖြစ်ပေမဲ့ ယခုနှစ်အတွင်း ၁ဝရက်-၁၅ ရက်ခန့်နောက်ကျမယ်လို့ ဆိုပါတယ်။ ပြည်တွင်းဈေး သိသိသာသာမြင့်တက်နေတာကြောင့် ကာလတို အတွင်း နိုင်ငံတကာကမ်းလှမ်းဈေးလည်း မြင့်တက်ဖွယ်ရှိတယ်လို့ ခန့်မှန်း ကြပါတယ်။ ဈေးကွက်အသီးသီးမှာ တစ်ပတ်အတွင်းဖြစ်ပေါ်ခဲ့တဲ့ မြန်မာ မတ်ပဲ FAQ ဈေးနှုန်းတွေကို ဇယား(၁)နဲ့ ဖော်ပြထားပါတယ် ဇယား-၁ ဒေါ်လာ/တန် ဈေးကွက် ၃ဝ .၁၂ .၁ဝ ၂၉ .၁၂ .၁ဝ ၂၈ .၁၂ .၁ဝ ၂၇ .၁၂ .၁ဝမွန်ဘိုင်း ၈၈ဝ ၈၆၄ ၈၅၂ ၈၆၄ဒေလီ ၈၈ဝ-၈၈၅ ၈၇၅ ၈၆၃ ၈၅၃ချန်နိုင်း ၈၈ဝ-၁၁၂ဝ ၈၇၅-၁ဝ၉၇ ၈၈၆-၁၁ဝ၇ ၈၈၆-၁၁ဝ၇
Background