နယ်လက်အဆွဲသွက်လို့ မုံရွာမှာ ပဲတီစိမ်းကြီး ဈေးတက်လာ မုံရွာကုန်စည်ဒိုင် ဇန်နဝါရီ ဒုတိယပတ် ပဲတီစိမ်းဈေးကွက်မှာ နယ်ပစ္စည်းအဝင်ပုံမှန်သာရှိပြီး နထစသမအ အတွက် မန္တလေးဝယ်လက်အပြင် ရန်ကုန်ဝယ်လက်ပါ လှမ်းယူနေလို့ တက်ဈေးနဲ့ အရောင်းသွက်ခဲ့တယ်လို့ ပွဲရုံရပ်ကွက်က သိရပါတယ်။ ယခုတစ်ပတ် မုံရွာကုန်စည်ဒိုင်ဈေးကွက်မှာတော့ စိမ်းကြီး ထိပ်စတစ်တင်း ၂၉ဝဝဝ ကျပ်၊ အောက်စတစ်တင်း ၂၂ဝဝဝ ကျပ်၊ စိမ်းသေးတစ်တင်း ၂ဝဝဝဝ ကျပ် အသီးသီးအမြင့်ဆုံး ပေါက်ခဲ့ပြီး၊ တစ်ရက်အိတ် ၅ဝဝ ခန့် အရောင်းအဝယ်ဖြစ်လျက် ရှိတယ်လို့ ဈေးကွက်ကဆိုပါတယ်။ ၂ဝ၁၁ ဇန်နဝါရီ ၁၃ ရက်နေ့အထိ မုံရွာကုန်စည်ဒိုင်ဈေးကွက်ကနေ ပဲတီစိမ်းတင်ပို့မှုမှာ မန္တလေးကို တင်း ၆ဝဝဝ ကျော်နဲ့ ရန်ကုန်ကို တင်း ၃၅ဝဝ ကျော် စီးခဲ့တယ်လို့သိရပါတယ်။ ထွန်းလှိုင်
Background