မုံရွာကုလားပဲဈေးကွက် V 2 ဈေးတက်လာ မုံရွာကုန်စည်ဒိုင် ဇန်နဝါရီဒုတိယပတ် ကုလားပဲဈေးကွက်မှာ ပစ္စည်း လက်ကျန်လျော့နည်းလာနေသလို လုပ်ငန်းသမားတွေ အဝယ်သွက်ခဲ့လို့ V 2 ဈေး တက်လာခဲ့ပါတယ်။ ယခုတစ်ပတ်အတွင်း ကုလားပဲတစ်မိုျးချင်းရဲ့ အမြင့်ဆုံး တစ်တင်း ပေါက်ဈေးအနေနဲ့ ကုလားပဲရိုးရိုး ကျပ် ၂ဝဝဝဝ၊ တိုင်ပေ ကျပ် ၂၃၅ဝဝ၊ 929 ကျပ် ၂၄ဝဝဝ နဲ့ V 2 ကျပ် ၂၅ဝဝဝ အသီးသီးဖြစ်ပေါ်လာခဲ့ပါတယ်။ တက်ဈေး ဖြစ်ပေါ်ခဲ့ပေမဲ့ ဒေသတွင်း စက်မှုကုန်ကြမ်းနဲ့ ပဲလက်လီအဝယ်လိုက်ခဲ့လို့ တစ်ရက် အိတ် ၃ဝဝ ဝန်းကျင် အရောင်းအဝယ်ဖြစ်တယ်လို့ ဈေးကွက်ကဆိုပါတယ်။ ဒီတစ်ပတ် နယ်တင်ပို့မှုအနေနဲ့ သိသိသာသာလျော့နည်းသွားခဲ့ကာ မန္တလေးကို တင်း ၁ဝဝဝ ခန့်သာ စီးထွက်ခဲ့တယ်လို့ သိရပါတယ်။ ထွန်းထွန်းလှိုင်
Background