၂ဝ၁ဝ ခုနှစ်က ဖြစ်ပေါ်ပြောင်းလဲခဲ့သော ကမ္ဘာ့ရေနံစိမ်းဈေးကွက် အခြေအနေနှင့်၂ဝ၁၁ ခုနှစ်အတွက် ရေနံစိမ်းဈေးကွက် အလားအလာ ၂ဝ၁ဝ ခုနှစ်၏ ကမ္ဘာ့ရေနံစိမ်းဈေးနှုန်း ၂ဝ၁ဝ ခုနှစ်၏ လအလိုက်ပြောင်းလဲခဲ့သော လန်ဒန် Brent ရေနံစိမ်းနှင့် နယူးယောက် Light ပျမ်းမျှရေနံစိမ်းဈေးနှုန်း ပြောင်းလဲမှုအခြေအနေကို အောက်ပါဇယားအရသိရှိရသည်- ၂ဝ၁ဝ ခုနှစ် (တစ်စည်ဈေးနှုန်း-ကန်ဒေါ်လာ)ွှ့TYPE JAN FEB MAR APR MAY JUN JUL AUG SEP OCT NOV DECBrent ၇၈ ၇၃ ၇၉ ၈၅ ၇၆ ၇၅ ၇၅ ၇၇ ၇၈ ၈၃ ၈၆ ၉၁Light ၇၉ ၇၆ ၈၁ ၈၅ ၇၄ ၇၅ ၇၆ ၇၇ ၇၆ ၈၂ ၈၄ ၈၉ ၂ဝ၁ဝ ခုနှစ် သြဂုတ်လမှစတင်ကာ ရေနံစိမ်းဈေးနှုန်းများ တဖြည်းဖြည်း မြင့်တက်ခဲ့ရခြင်းမှာ အမေရိကန်ဒေါ်လာတန်ဖိုး တက်ခြင်းကြောင့်လည်းဖြစ်သည်။ ထို့ပြင် တရုတ်၊ ဂျပန် နှင့် အိန္ဒိယနိုင်ငံတို့၏ စီပွားရေးတိုးတက်နှုန်း ကောင်းမွန်ကာ လောင်စာဆီဝယ်လိုအား တိုးတက်လာခြင်းသည်လည်း ကမ္ဘာ့ရေနံစိမ်းနှင့် သဘာဝ ဓာတ်ငွေ့ဝယ်လိုအားကို အရှိန်အဟုန်ဖြင့် မြှင့်တင်လိုက်သည်။ အလားတူ အာရှ ဆောင်းတွင်းရာသီဖြစ်ခြင်းနှင့် အမေရိကန် ပြည်ထောင်စုတို့တွင်လည်း သာမန်ထက် အအေးလွန်ကဲမှုများကြောင့် အပူပေးရာတွင်အသုံးပြုသည့် လောင်စာဆီ ဝယ်လို အားကို မြှင့်တင်လိုက်သည်။၂ဝ၁၁ ခုနှစ်၏ ရေနံစိမ်းဈေးကွက်အလားအလာ အမေရိကန်ပြည်ထောင်စု စွမ်းအင်းသတင်းအချက်အလက်အုပ်ချုပ်ရေးဌာန (US Energy Information Administratio, EIA) ၏ ၂ဝ၁၁ ခုနှစ် ဇန်နဝါရီ လတွင် နောက်ဆုံးထုတ်ပြန်သော စွမ်းအင်ဈေးကွက် အလားအလာတွင် လာမည့် နှစ်နှစ်အတွင်း ကမ္ဘာ့ရေနံစိမ်းဈေးကွက်သည် တင်းကျပ်နိုင်ကြောင်း၊ ကမ္ဘာ့ နှစ်စဉ် ရေနံစိမ်းသုံးစွဲမှုသည်ပျမ်းမျှအားဖြင့် တစ်ရက်လျှင်စည်ပေါင်း ၁ ဒသမ ၅ သန်းအထိ တိုးတက်လာနိုင်ကြောင်းနှင့် ကမ္ဘာ့ရေနံထုတ်လုပ်တင်ပို့သော နိုင်ငံများအဖွဲ့(OPEC) ၏ရေနံစိမ်းတိုးတက်ထုတ်လုပ်မှုသည် နှစ်စဉ်ပျမ်းမျှအားဖြင့် တစ်ရက်လျှင် စည် ပေါင်း ၁ဝဝဝဝဝ အောက်သာရှိနိုင်ကြောင်း သုံးသပ်ထားသည်။ ထို့ပြင် EIA သည် ၂ဝ၁၁ ခုနှစ်အတွက် West Texas Intermediate ရေနံစိမ်း ပျမ်းမျှဈေးနှုန်းကို တစ်စည်လျှင် ကန်ဒေါ်လာ ၉၃ သို့ရောက်ရှိမည်ဟု ခန့်မှန်းထားပြီး ၂ဝ၁၂ ခုနှစ်တွင် တစ်စည်လျှင် ပျမ်းမျှကန် ဒေါ်လာ ၉၈ သို့ရောက်ရှိနိုင်ကြောင်း ခန့်မှန်းထားသည်။ OPEC နိုင်ငံများ၏ ရေနံစိမ်းထုတ်လုပ်မှုပမာဏကို တိုးမြှင့်ရန်လိုအပ်လျက်ရှိကြောင်း EIA မှ သုံးသပ်လိုက်သည်။ ဗြိတိန်နှင့် မက္ကဆီကိုနိုင်ငံတို့၏ ၂ဝ၁၁ ခုနှစ်နှင့် ၂ဝ၁၂ ခုနှစ်အတွက် ရေနံစိမ်းထုတ်လုပ်မှု ကျဆင်း သွားနိုင်ကြောင်း EIA မှသုံးသပ်ထားပြီး အခြားရေနံစိမ်းထုတ်လုပ်သည့်နိုင်ငံများမှ ရေနံစိမ်းထုတ်လုပ်မှု ကျဆင်းသွားကာ ဝယ်လိုအားကို ပြည့်မီနိုင်မည်မဟုတ်ကြောင်း သိရှိရသည်။ ၂ဝ၁၁ ခုနှစ်တွင် ရေနံစိမ်းဝယ်လိုအားမှာ ကောင်းမွန်နေသော်ငြား လည်း ဝယ်လိုအားကို ရောင်းလိုအားက ပြည့်မီနိုင်အောင် ထုတ်လုပ်နိုင်မည်မဟုတ်သောကြောင့် ရေနံစိမ်းဈေးနှုန်း ဆက်လက် ကောင်းမွန်နိုင်ကြောင်း သုံးသပ်ရသည်။ ှSource:bloomberg.com. အေးမွန်မွန်လှိုင်
Background