မတ်ပဲအသစ်များ ပြည်ဈေးကွက်ကို စဝင်
မတ်ပဲအသစ်များ ပြည်ဈေးကွက်ကို စဝင် ပြည်မတ်ပဲဈေး ကွက် ဇန်နဝါရီဒုတိယပတ်မှာ ပဲဈေးနှုန်းတစ်တင်းကို ကျပ် ၂၁၅ဝဝ သာရှိခဲ့ရာက ဇန်နဝါရီတတိယပတ်အစမှာ ပဲတစ်တင်းကို ကျပ် ၂၃ဝဝဝ အထိ ဈေးမြင့်လာခဲ့ပြီးနောက် ကျပ် ၂၂၅ဝဝကို ဈေးပြန် လျော့နည်းသွား တာကို တွေ့ရပါတယ်။ ဈေးကွက်ကို မတ်ပဲအသစ်များ ဝင်ရောက်စပြုလာပြီဖြစ်ပြီး တစ်နေ့ကို အိတ် ၂ဝဝ-၃ဝဝခန့် အရောင်းအဝယ်ဖြစ်တယ်လို့သိရပါတယ်။ ယခင်လတွေမှာ အခြားတိုင်းမှပြည်သို့ မတ်ပဲဝင်ရောက်မှုမရှိသော်လည်း ဇန်နဝါရီ တတိယ ပတ်မှာတော့ မကွေးတိုင်း ဒေသကြီး၊ အောင်လံမြို့မှ ပဲအိတ် ၁၂ဝ ခန့် ဝင်ရောက် လာတာကိုတွေ့ရပါတယ်။ ပြည်မှရန်ကုန်သို့ ပဲစီးဆင်းမှုကတော့ တစ်နေ့ကို ပဲအိတ် ၃ဝဝ ခန့် တင်ပို့တယ်လို့ သိရပါတယ်။ မိမိအေး
