မန်းဈေးကွက်မှာ တောင်ငူပဲတီစိမ်းက ဈေးစွာနေ ယခုတစ်ပတ် မန်းဈေးကွက်အတွင်းသို့ တောင်ငူ၊ တောင်တွင်းကြီး၊ ပျဉ်းမနား၊ ရွှေဘိုဒေသများမှ ပဲတီစိမ်းအသစ်များ ဝင်ရောက်နေပါတယ်။ ဈေးကွက်အတွင်းမှာ ဈေးစွာနေတဲ့ ပဲတီစိမ်းက တောင်ငူပဲတီစိမ်း ဖြစ်ပါတယ်။ ပဲတီစိမ်းထိပ်စတစ်ပိဿာ ၁၇၇၈ ကျပ် (တစ်တန် ၁ဝ၈၈၈၁၁ ကျပ်) ၊ အလတ်စ ၁၆ဝဝ ကျပ် (တစ်တန် ၉၇၉၈ဝ၈ ကျပ်)၊ အောက်စ ၁၃၇၈ ကျပ် (တစ်တန် ၈၄၉၃၈ဝ ကျပ်) ဈေးတို့နဲ့ ရောင်းဝယ်နေကြပါတယ်။ ဈေးကွက်ကတော့ အဟောင်းထက် အသစ်ကို ပိုကြိုက်ကြ ပါတယ်။ ယခုတစ်ပတ်မှာ ပဲတီစိမ်းကို တရုတ်ဝယ်လိုအားပျော့လာပေမဲ့ ရန်ကုန်ဝယ်လက် ဝယ်လိုအား ကောင်းလာလို့ ဈေးအေးမသွားဘဲ ဈေးမြင့်လာတာ ဖြစ်တယ်လို့ ကုန်သည်များက ပြောပါတယ်။ တင်ပို့မှုအနေနဲ့ တစ်ပတ်အတွင်း တရုတ်သို့ ၁၃ဝဝ တန် ရန်ကုန်သို့ ၂၅ဝ တန်တင်ပို့ခဲ့ပြီး ဒေသတွင်း ပဲခွဲစက်လုပ်ငန်းရှင်များမှလည်း ဝယ်ယူနေတဲ့အတွက် ဈေးကွက် အတွင်းမှာ ရောင်းဝယ် အားကောင်းနေတဲ့ သီးနံှတစ်ခုဖြစ်ကြောင်း သိရပါတယ်။ ကျော်ကျော်မိုး
Background