ဒီဇင်ဘာ မြေထောက်ပဲတင်ပို့မှု ကာလတူထက် တစ်ဆလျော့ ၂ဝ၁ဝ ဒီဇင်ဘာလအတွင်း ပင်လယ်ရေကြောင်းက မြေထောက်ပဲတန်ချိန် ၂၄ဝ ခန့်သာတင်ပို့မှုရှိခဲ့ပြီး ၂ဝဝ၉ ဒီဇင်ဘာလမှာ တန်ချိန် ၅၄ဝ ခန့် ရှိခဲ့လို့ ကာလတူတင်ပို့မှု တစ်ဆခန့်လျော့ကျလာတာတွေ့ရပါတယ်။ နိုဝင်ဘာလအတွင်းမှာ တန်ချိန် ၁၅ဝ ကျော်သာတင်ပို့နိုင်ခဲ့လို့ ယခင်လထက်တော့ တင်ပို့မှု ပိုတာတွေ့ရပါတယ်။ ၂ဝ၁၁ ဇန်နဝါရီလ ၁၃ ရက်မှ ၁၉ ရက်အတွင်းမှာ တန်ချိန် ၁၉ဝ ခန့်ကို အိန္ဒိယ၊ မလေးရှား၊ ရုရှားနဲ့ စင်ကာပူနိုင်ငံတွေကို တင်ပို့နိုင်ခဲ့ပါတယ်။ ဈေးကွက်တချို့ကို မြေထောက်ပဲအသစ်ဝင်ရောက်မှုရှိလာပြီဖြစ်ပြီး အရောင်းအဝယ်ပုံမှန်ရှိတယ်လို့ သိပါတယ်။ ရန်ကုန် FOB ဈေးအနေနဲ့ FAQ တစ်တန်ကို ကန်ဒေါ်လာ ၆၆ဝ-၆၇ဝ နဲ့ ယခင်အပတ်ဈေးမှာ ငြိမ်နေပြီး အိန္ဒိယ မွန်ဘိုင်း ဈေးကွက်မှာလည်း မြေထောက်ပဲ (polished ) တစ်တန်ကို ကန်ဒေါ်လာ ၈ဝ၈-၈၄ဝ နဲ့ (unpolished )တစ်တန်ကို ကန် ဒေါ်လာ ၈ဝ၇ ဈေးရှိတယ်လို့ သိရပါတယ်။ MIRT - MAPT
Background