ရေချိုပုစွန်ကို သီးသန့်လျာထားချက်ဖြင့် တင်ပို့နိုင်ရန် ပြင်ဆင် ၂ဝဝ၈ ခုနှစ်နောက်ပိုင်း မွေးမြူထုတ်လုပ်မှုနည်းပါးခဲ့သော ရေချိုပုစွန်ကို ယခုအခါ သီးသန့်လျာထားချက်ဖြင့် ပြည်ပ နိုင်ငံများသို့ တင်ပို့ရောင်းချနိုင်ရန် ပြင်ဆင်နေပြီဖြစ်သည်။ ''ပုဂ္ဂလိက လုပ်ငန်းရှင်တွေကနေ ဧရာဝတီတိုင်းဒေသကြီး ညောင်တုန်းဘက်မှာ ကန်တွေ ပြင်နေပါပြီ၊ ဧက ၄ဝဝဝ လောက် ရှိမယ်၊ မကြာခင်မှာပဲ သားပေါက်တွေ ထည့်သွင်းမွေးကြမှာပါ။ ရေချိုပုစွန်က ပြည်တွင်း ဈေးကွက်ရော၊ ပြည်ပ ဈေးကွက်ပါ တွက်ခြေကိုက်လာတာလဲပါတယ်။ ရေချိုပုစွန်ကို အောင်မြင်စွာ မွေးမြူ ထုတ်လုပ်နိုင်တဲ့အတွက် သားပေါက်စခန်း ၁၆ ခုလောက်ရှိခဲ့ပါတယ်။ နောက်ပိုင်းမှာ ရေခိုျပုစွန်ဈေးကွက်က မရှိသလောက်ဖြစ်လာတဲ့ အတွက် သားပေါက်စခန်းတွေက ထုတ်လုပ်မှု ရပ်ခဲ့တာပါ။ နောက်ရေချိုပုစွန်ရဲ့ အားသာချက်က သီးခြားပဲမွေးမွေး၊ ငါးနဲ့ပဲတွဲမွေးမွေး မွေးလို့ရတယ်။ ငါးနဲ့ တွဲမွေးရင် အစာစရိတ်ရယ် ထုတ်လုပ်မှုစရိတ်ရယ်ကို လျှော့ချနိုင်တယ်''ဟု ပုစွန်လုပ်ငန်းရှင်များအသင်းက ဦးနှင်းဦးက ပြောပြသည်။ အဆိုပါ ရေချိုပုစွန်ကို ရှမ်းပြည်နယ်တောင်ပိုင်း ဒေသများတွင်လည်း အောင်မြင်စွာမွေးမြူနိုင်ခဲ့ကြောင်း သိရသည်။ MN
Background