အရောင်းသွက်နေတဲ့ မန်းပဲစင်းငုံ မန်းဈေးကွက်သို့ နယ်စုံမှ ပဲစင်းငုံများဝင်ရောက်လျက်ရှိပြီး ဝင်ရောက် လာတဲ့ပဲစင်းငုံတွေကို ရန်ကုန် ဝယ်လက်ရဲ့ဝယ်လိုအားကြောင့် ဈေးမာနေတာ ကိုလည်းတွေ့ရပါတယ်။ ယခုအပတ် ပဲစင်းငုံ (နီ) တစ်ပိဿာ ကျပ် ၁၁၅ဝ၊ တစ်တန် ၇ဝ၄၂၄ဝ ကျပ်၊ ပဲစင်းငုံ (ဖြူ) ၉၁၇ ကျပ်၊ တစ်တန် ၅၆၁၅ဝဝ ကျပ်ဈေးတို့ဖြင့် ရောင်းဝယ်နေကြပါတယ်။ ဈေးကွက်အတွင်း ပစ္စည်းအဝင်လှိုင်နေပေမဲ့လည်း ရန်ကုန် ဝယ်လက်ဆွဲအားကောင်းနေတာကြောင့် ဈေးမာနေတာဖြစ်တယ်လို့ ရောင်းဝယ်ကြတဲ့ ကုန်သည်များမှ ပြောကြားပါတယ်။ ဈေးကွက်အတွင်းမှာလည်း ရောင်းဝယ် အားကောင်းနေတာကြောင့် ပဲစင်းငုံဈေးကွက်ဟာ စည်ကားနေတာကို လည်းတွေ့ရပါတယ်။ တစ်ပတ်အတွင်း ရန်ကုန်သို့ တန် ၅ဝဝ ခန့် တင်ပို့မှု ရှိခဲ့ ကြောင်း သိရှိရပါတယ်။ ကျော်ကျော်မိုး
Background