ပြည်တွင်းအခေါက်ရွှေ ပေါက်ဈေး ပြည်ပထက် ကျပ်တစ်သောင်းကျော်မြင့်နေ

 ပြည်တွင်းအခေါက်ရွှေ ပေါက်ဈေး ပြည်ပထက် ကျပ်တစ်သောင်းကျော်မြင့်နေ          ရန်ကုန်အခေါက်ရွှေဈေးကွက်အတွင်း ဖြစ်ပေါ်နေသော အခေါက်ရွှေ ပေါက် ဈေးများမှာ ပြည်ပအခေါက်ရွှေ ပေါက်ဈေးနှုန်းထက် ကျပ်တစ်သောင်းကျော် အမြင့်ဖြင့် ဈေးနှုန်းကွာဟမှုရှိနေကြောင်း ရွှေဘုံသာလမ်းရှိ ရွှေကုန်သည်များထံက သိရသည်။             ''ဖေဖော်ဝါရီလဆန်း တစ်ပတ်လုံးမှာ အခေါက်ရွှေပေါက်ဈေးအနေနဲ့ အနိမ့် ဆုံး ၆၂၉ဝဝဝ ကျပ်နဲ့ အမြင့်ဆုံး ၆၃၂၅ဝဝ ကျပ်ရှိနေတယ်။ အရောင်းအဝယ်တော့ အေးတယ် ပြောရမယ်။ ဒီရက်က တရုတ်နှစ်သစ်ကူးဆိုတော့ အဓိကဝယ်လက် ကြီးတွေ လုပ်ငန်းနားထားကြတယ်။ အရပ်ဝယ်လက်သမားတွေကလဲ ၆၂၈၅ဝဝ ကျပ်နဲ့ ၆၃ဝဝဝဝ ကျပ် ပေါက်ဈေးလောက်မှာ ဝယ်ဖြည့်ထားကြတဲ့အတွက် အဝယ် မရှိဘူး။ ဈေးကွက်ထဲကို ပြန်ထုတ်ရောင်းဖို့ ဈေးနှုန်းပြန်စောင့်ကြည့်နေတဲ့သဘော ရှိတယ်''ဟု ဝါရင့်ရွှေကုန်သည် ဦးမောင်အေးက ပြောပြသည်။            ဖေဖော်ဝါရီ ၄ ရက် မနက်ပိုင်းတွင် အခေါက်ရွှေတစ်ကျပ်သားလျှင် ၆၃ဝဝဝဝ ကျပ်ရှိပြီး ညနေပိုင်းတွင် ၆၃၂၅ဝဝ ကျပ်တို့ ဖြစ်ပေါ်ခဲ့သည်။ အခေါက်ရွှေပေါက် ဈေးမှာ တစ်အောင်စလျှင် ၁၃၅၂-၁၃၄၈ ဒေါ်လာဖြစ်ခဲ့သည်။ ဖေဖော်ဝါရီ ၅ရက် တွင် ပြည်တွင်းအခေါက်ဈေးနှုန်းမှာ ၆၃၃ဝဝဝ ကျပ်ရှိသည်ဟု ဆိုသည်။ ခင်မျိုးသွယ်