မြေထောက်ပဲ ပုံမှန်တင်ပြီး ထောပတ်ပဲတင်ပို့မှုတက်လာ

မြေထောက်ပဲ ပုံမှန်တင်ပြီး ထောပတ်ပဲတင်ပို့မှုတက်လာ             ပင်လယ်ရေကြောင်းက မြေထောက်ပဲက ပုံမှန်ပမာဏအတိုင်း ယခု တစ်ပတ် (ဖေဖော်ဝါရီလ ၃ ရက်မှ ၉ ရက်) အတွင်းမှာလည်း တန်ချိန် ၁ဝဝ တင်ပို့မှု ရှိခဲ့ပြီး ထောပတ်ပဲကတော့ ယခင်သီတင်းပတ်ထက် တန် ၁ဝဝ ကျော်ပိုပြီး တန်ချိန် ၁၇ဝ ခန့် တင်ပို့လာနိုင်တာတွေ့ရပါတယ်။ မြေထောက်ပဲရော ထောပတ်ပဲ ပါ ဈေးကွက်တွေကို တိုးတက်ဝင်ရောက်နေပြီဖြစ်သလို ဒီပဲတွေက ပြည်ပ အဝယ်အမြဲရှိနေတာမို့ ရှေ့ဆက်ပိုမိုတင်ပို့လာနိုင်မယ့် အလားအလာရှိနေပါတယ်။ ရန်ကုန်  FOB ဈေးအနေနဲ့ ဖေဖော်ဝါရီလ ၁၃ ရက်မှာ မြေထောက်ပဲ FAQ တစ်တန်ကို ကန်ဒေါ်လာ ၆၄ဝ-၆၆ဝ ရှိပြီး ထောပတ်ပဲတစ်တန်ကို ကန်ဒေါ်လာ ၉၃ဝ-၉၅ဝ ရှိကြောင်း သိရပါတယ်။ အိန္ဒိယမွန်ဘိုင်း ဈေးကွက်မှာ မြေထောက်ပဲ (polished ) တစ်တန်ကို ကန်ဒေါ်လာ ၈၁၇-၈၃၉ ရှိပြီး (unpolished) တစ်တန်ကို ကန်ဒေါ်လာ ၈ဝ၆ ရှိကြောင်း သိရပါတယ်။                                                                                                   MIRT - MAPT