ဈေးအေးလာတဲ့ စစ်ကိုင်းက စွန်တာနီ မုံရွာကုန်စည်ဒိုင်မှာ ၂ဝ၁၁ ခု ဇန်နဝါရီလဆန်းမှာ စွန်တာနီ (ပဲနီလုံးရိုး) တစ်ပိဿာ ၁၁၇၅ ကျပ်မှ လကုန်ပိုင်းမှာ ၉၇၅ ကျပ်၊ ဖေဖော်ဝါရီလ ပထမပတ်မှာ ၈၅ဝ ကျပ်သို့ဈေးအေးသွားကြောင်း သိရပါတယ်။ ဘုတလင်၊ ကနီ၊ ယင်းမာပင်၊ ပုလဲ၊ ဆားလင်းကြီး၊ ချောင်းဦး၊ မြောင်မြို့နယ်များမှ စွန်တာနီအသစ်မပေါ်ခင် အဟောင်းများကို ထုတ်ရောင်းလို့ မုံရွာမြို့ကိုအဝင်လှိုင်၍ ဈေးအနည်းငယ် အေးသွားကြောင်း ကုန်သည်တစ်ဦးမှ ပြောပါတယ်။ တိုင်းဒေသကြီးအတွင်းမှ ဇန်နဝါရီလအတွင်း ရန်ကုန်သို့ စွန်တာနီ တင်း ၆ဝဝ ကျော်၊ မန္တလေးသို့ တင်း ၂၃ဝဝ ကျော်နှင့် ဖေဖော်ဝါရီလ ပထမပတ်အတွင်း ရန်ကုန်သို့ တင်း ၂ဝဝ ကျော်စီးထွက်ခဲ့ပြီး မုံရွာကုန်စည်ဒိုင်မှာ တစ်ရက်ပျမ်းမျှတင်း ၃ဝဝ ခန့်အရောင်း အဝယ်ဖြစ်ကြောင်း သိရပါတယ်။ သန်းးသန်းးတင်
Background