ဈေးနှုန်းကျတဲ့အတွက် ပဲကြီး (ကမ်းနား)သာ အရောင်းအဝယ်ဖြစ်

ဈေးနှုန်းကျတဲ့အတွက် ပဲကြီး (ကမ်းနား)သာ အရောင်းအဝယ်ဖြစ်                 ပြည်ဈေးကွက်မှာ ပဲကြီးလက်ကျန်များရှိသော်လည်း ပဲကြီးဈေးနှုန်း ကတော့ တဖြည်းဖြည်းကျဆင်းလျက် ရှိပါတယ်။ ပဲကြီး (ရွှေကျွန်း) မှာ နေ့စဉ် အရောင်းအဝယ်မဖြစ်ဘဲ ပဲကြီး (ကမ်းနား) သာ အရောင်းအဝယ်ဖြစ်တယ်လို့ သိရပါတယ်။ ဇန်နဝါရီလအတွင်း ပဲကြီးတစ်တင်း ၃၂ဝဝဝ ကျပ်မှ ၃၃၅ဝဝ ကျပ်ထိ အရောင်းအဝယ်ဖြစ်ခဲ့သော်လည်း ဖေဖော်ဝါရီလဆန်းမှစ၍ ပဲကြီးဈေးမှာ ဆက်တိုက် ကျဆင်းလာခဲ့ကာ ယခုဖေဖော်ဝါရီ ဒုတိယပတ်မှာတော့ ပဲကြီး (ကမ်းနား) အသန့်မှာ တစ်တင်း ၂၈ဝဝဝ ကျပ်ဖြင့် တစ်ရက်လျှင် အိတ် ၂ဝဝ ခန့် အရောင်း အဝယ်ဖြစ်ကြောင်း သိရပါတယ်။ ခင်ဆွေဝင်း