မွန်ပြည်နယ်မှ တင်ပို့ရောင်းဝယ်မှု ပိုမိုလာ ပြီးခဲ့တဲ့ ၂ဝ၁ဝ ခုနှစ်၊ နှစ်ကုန်ပိုင်းကတည်းက တစ်ရိပ်ရိပ်မြင့်တက်လာခဲ့တဲ့ မွန်ပြည်နယ်ရော်ဘာဈေးနှုန်းဟာ ၂ဝ၁၁ ခုနှစ်၊ ဖေဖော်ဝါရီလ ပထမပတ်အရောက်မှာRSS-3 ကတစ်ပေါင် ၁၇၂ဝ ကျပ်၊RSS-5 တစ်ပေါင် ၁၆ဝဝ ကျပ်အထိ တိုးမြှင့်ရောင်းဝယ်လျက်ရှိပါတယ်။ ဒီဈေးနှုန်းဟာ ယခင်မဖြစ်ပေါ်ခဲ့ဘူးတဲ့ ဈေးနှုန်းများ ဖြစ်ပါတယ်။ ရော်ဘာဈေးနှုန်း မြင့်တက်လာတာနဲ့အမျှ ရော်ဘာရောင်းဝယ်မှုပမာဏလည်း တိုးတက်လာတာကို တွေ့ရှိရပါတယ်။ ပြီးခဲ့တဲ့ ၂ဝ၁ဝ ခုနှစ် နိုဝင်ဘာလ အနေနဲ့ မွန်ပြည်နယ်မှ ရော်ဘာများ ရန်ကုန်နဲ့မန္တလေးမြို့သို့ တင်ပို့မှုပမာဏမှာ တန်ချိန် ၅၈ဝဝ ခန့်သာရှိခဲ့ပေမဲ့ ဒီဇင်ဘာလမှာ တန်ချိန် ၉၂ဝဝ ခန့်နှင့် ၂ဝ၁၁ ဇန်နဝါရီလမှာ တန်ချိန် ၁ဝဝဝဝ ကျော်ထိ တင်ပို့နိုင်ခဲ့ကြောင်း သိရှိရပါတယ်။ ပြီးခဲ့တဲ့ ဇန်နဝါရီလအနေနဲ့ တင်ပို့မှုအရ ရန်ကုန်မြို့ကို တန်ချိန် ၇ဝဝဝ ကျော်နဲ့ မန္တလေးကို တန်ချိန် ၃ဝဝဝ ခန့် တင်ပို့တာကြောင့် နယ်စပ်ကုန်သွယ်မှုထက် ပင်လယ်ရေကြောင်း တင်ပို့မှုပမာဏက ပိုမိုကြောင်း သိရှိရပါတယ်။ အောင်လွင်
Background