ပြည်မတ်ပဲအဝင်ရှိသော်လည်း ဈေးအေးနေ
ပြည်မတ်ပဲအဝင်ရှိသော်လည်း ဈေးအေးနေ ပြည်မတ်ပဲဈေးမှာ ၂ဝ၁ဝ ဒီဇင်ဘာနောက်ဆုံးပတ်မှစပြီး ၂ဝ၁၁ ဖေဖော်ဝါရီလအထိ ဈေးဆက် အေးနေတာကိုတွေ့ရပါတယ်။ ဖေဖော်ဝါရီ ဒုတိယပတ်မှာ ပဲတစ်တင်းကို ၂၂၅ဝဝ ကျပ်ဈေးရှိပြီး၊ တတိယပတ်မှာတော့ ပဲသစ်၊ ပဲဟောင်းတစ်တင်းကို ၂၂ဝဝဝ ကျပ်ဖြင့် အရောင်းအဝယ်ဖြစ်တယ်လို့သိရပါတယ်။ ပြည် အနီးအနားနယ်စုံမှ ပဲအဝင်ရှိသော်လည်း ဝက်ထီးကန်ဘက်မှ အများဆုံး ဝင်ရောက်ပြီး တစ်နေ့ကို အိတ် ၂၅ဝ-၃ဝဝ ခန့် အဝင်ရှိခဲ့ပါတယ်။ မြို့တွင်းဝယ်လက် ကလည်း ဝင်သလောက်အဝယ်ရှိကြောင်းသိရပါတယ်။ တိုင်းဒေသကြီးအတွင်းက မြို့နယ်များမှ ရန်ကုန်သို့ ပဲတစ်ပတ်ကို အိတ် ၈၂ဝဝ ခန့် တင်ပို့မှုရှိတယ်လို့ သိရပါတယ်။ မိမိအေး
