ငါးမြစ်ချင်း ဈေးကွက်သစ်များရရှိရန်ကြိုးစားသင့် မြန်မာနိုင်ငံက အများဆုံးမွေးမြူထုတ်လုပ်လျက်ရှိသည့် ငါးမြစ်ချင်းနှင့်ပတ်သက်သည့် ဈေးကွက်သစ်များကို ထပ်မံ ရရှိရန် ကြိုးစားသင့်ကြောင်း ငါးမြစ်ချင်းမွေးမြူသူ များထံ က သိရသည်။ '' ငါးကုန်ထုတ်လုပ်မှုမှာ Market အခြေအနေမသိဘဲ ထုတ်လုပ်နေတာကြောင့် ဈေးကွက်ရှာဖို့လိုအပ်ပါတယ်။ အထူးသဖြင့် ငါးမြစ်ချင်းနဲ့ ပတ်သက်တဲ့ ဈေးကွက်ကို အနောက်ဖက် နိုင်ငံတွေမှာ ဈေးကွက်ရဖို့ကြိုးစားဖို့ လိုသလို အရှေ့ဖက်နိုင်ငံတွေဖြစ်တဲ့ တရုတ်၊ ဂျပန်စတဲ့ နိုင်ငံတွေမှာ လည်း ဈေးကွက်ရရှိဖို့ကြိုးစားသင့်ပါတယ်။ ဒါ့အပြင် တရုတ် နိုင်ငံဆိုရင်လည်း စက်မှုနိုင်ငံ တည်ဆောက်နေတာကြောင့် ဈေးကွက်ရဖို့ ငါးဦးစီးက ကြိုးစားပေးသင့်ပါတယ်''ဟု တွံတေး မြို့နယ်အခြေစိုက် ငါးမြစ်ချင်း မွေးမြူသူ တစ်ဦးက ပြောကြား သည်။ ယခုနှစ်အတွင်း ငါးမြစ်ချင်းမွေးမြူသူများ တွက်ခြေ မကိုက်မှုကြောင့် ငါးမြစ်ချင်းများကို ပုစွန်ဖြင့် လည်းကောင်း၊ ငါးတန် များနှင့်လည်းကောင်း၊ ငါးကြင်းရွှေဝါများနှင့် လည်း ကောင်း၊ ကကတစ်များနှင့်လည်းကောင်း တွဲဖက်မွေးမြူသည့် ပုံစံများ ပြောင်းလဲ မွေးမြူလာကြသည်ဟု သိရသည်။ MN
Background