ရန်ကုန် အိမ်ခြံမြေဈေးကွက် လေလံဘက်ဦးတည် အရောင်းခပ်လေးလေးနှင့် ပုံမှန်သွားနေ ရန်ကုန်အိမ်ခြံမြေဈေးကွက်အတွင်း လေလံ အရောင်းအဝယ်များဘက်သို့ ပုဂ္ဂလိက အိမ်ခြံမြေသမားများ ဦးတည် ပြောင်းလဲသွားသဖြင့် အိမ်ခြံမြေ အရောင်းများ ခပ်လေးလေးနှင့် ပုံမှန် သွားနေကြောင်း အိမ်ခြံမြေ အကျိုး ဆောင်များထံက သိရသည်။ ''ဖေဖော်ဝါရီ ၁၃ ရက်က ထုတ်ပြန်တဲ့ လေလံကြောင့် ပုဂ္ဂလိကအိမ်ခြံ မြေဝယ်ရောင်းအတော်များများ လေလံ ဘက်ကို ဦးလှည့်သွားတာ တွေ့ရပါတယ်။ အခုအချိန်မှာ လေလံတွေဝယ်ဖို့ ပြင်ဆင်နေကြသလို လုံးချင်းမြေကွက် အရောင်းအဝယ်တွေလည်း ခပ်လေးလေးနဲ့ ပုံမှန်သွားနေပါတယ်။ဒီအပတ် ထဲမှာ ကျပ်သိန်း ၁ဝဝဝ နဲ့ ကျပ်သိန်း ၃ဝဝဝအောက်မြေကွက်တွေ အရောင်း အဝယ်ဖြစ်နေပါတယ်''ဟု မဏ္ဍိုင်အိမ်ခြံ မြေအကျိုးဆောင်လုပ်ငန်းက အုပ်ချုပ် မှုဒါရိုက်တာ ဦးသန်းဦးက ပြောပြသည်။ ယခုအပတ်အတွင်း လုံးချင်းမြေကွက် အရောင်းအဝယ်ဖြစ်ခဲ့သော မြို့နယ်များမှာ လှိုင်၊ မရမ်းကုန်း၊ တောင်ဥက္ကလာပ၊ သင်္ဃန်းကျွန်း၊ အင်းစိန်နှင့် သာကေတမြို့နယ်တို့ဖြစ်သည်ဟု ဆို သည်။ MN
Background