ပိုးမွှားပြဿနာကြောင့် အိန္ဒိယရဲ့ ပြောင်းနဲ့ ပဲပုပ် တင်ပို့မှုရပ်ဆိုင်း ဗီယက်နမ်ကိုတင်ပို့တဲ့ ပြောင်း တန် ၅ဝဝဝဝ ကို ပိုးမွှားပြဿနာကြောင့် ဟနွိုင်းကနေ ပြန်လည်ပို့လိုက်ပြီး နောက်ပိုင်းမှာ အိန္ဒိယနိုင်ငံက ပြောင်းနဲ့ ပဲပုပ် ဗီယက်နမ်သို့တင်ပို့မှုကို ရပ်ဆိုင်းခဲ့ကြောင်း သိရပါတယ်။ မကြာသေးမီက အိန္ဒိယ က တင်ပို့ခဲ့တဲ့ ပြောင်းနဲ့ ပဲပုပ်ကုန်စည်တွေထဲမှ အင်းဆက်တွေကို ရှာဖွေတွေ့ရှိတာ ကြောင့် ဗီယက်နမ်က တန်ချိန် ၅ဝဝဝဝ ကို ငြင်းပယ်ခဲ့ပါတယ်။ ဗီယက်နမ်က ပိုးမွှားရှာဖွေစမ်းသပ်တဲ့နည်းစနစ်သစ်ကို ကျင့်သုံးနေကြောင်း သိရပါတယ်။ ယခင်က ဗီယက်နမ်ခွင့်ပြုခဲ့တဲ့ ပိုးသတ်တဲ့နည်းစနစ်နဲ့ မကြာခင်ခွင့်ပြုချက် ရယူဖို့မျှော်လင့်ကြောင်း ကုန်သည်များက ပြောပါတယ်။ တစ်နည်းအားဖြင့် ဗီယက်နမ်က ပိုဈေးကြီးတဲ့ တောင်အမေရိကရဲ့ ရောင်းလိုအားဘက်ကို ဦးလှည့် လိုက်တာကြောင့် ပြည်တွင်းမှာ ဈေးတက်ဖို့ တွန်းအားပေးသလိုဖြစ်နေကြောင်း ကုန်သည်များက ပြောကြားပါတယ်။ ဗီယက်နမ်မှာ ပြောင်းဈေးနှုန်းဟာ တစ်တန်ကို ဒေါ်လာ ၃၃၃-၃၄၉ ဒေါ်လာ ကြားမှာရှိပြီး ယခင်နှစ်ထက် ၂၇ ရာခိုင်နှုန်း ပိုမိုခဲ့ပါတယ်။ သွင်းကုန်တင်သွင်း တာကတော့ လောင်စာဈေးနှုန်းကြောင့်ဖြစ်ကြောင်း သိရပါတယ်။ ဗီယက်နမ်ဟာ ပြောင်းနဲ့ ပဲပုပ်ဝယ်ယူတဲ့ အိန္ဒိယရဲ့ အကြီးဆုံးဝယ်လက်တစ်ခုဖြစ်ကြောင်း သိရပါ တယ်။ Source: commodity online, KZW
Background