မန်းဈေးကွက်မှာ ဈေးမာနေတဲ့ ခရမ်းပဲတီစိမ်း ယခုတစ်ပတ် မန်းဈေးကွက်မှာ ခရမ်းပဲတီရွှေဝါကို တရုတ်အကြိုက်တွေ့နေတာကြောင့် ဈေးမာနေပြီး အခြားပဲတီစိမ်း ထိပ်စ၊ လတ်စ၊ အောက်စတွေကတော့ အရောင်းအဝယ်အေးနေပါတယ်။ ရန်ကုန်ဝယ်လက်နဲ့ ဒေသတွင်း ခွဲစက်လုပ်ငန်းရှင် များမှ အနည်းငယ်သာ ဝယ်ယူနေတာတွေ့ရပါတယ်။ ယခုတစ်ပတ် ခရမ်းပဲတီရွှေဝါက တစ်ပိဿာ ၂ဝ၆၂ ကျပ်၊ တစ်တန် ၁၂၆၂၇ဝဝ ကျပ်၊ ပဲတီစိမ်းကြီး ထိပ်စ တစ်ပိဿာ ၁၅၁၁ ကျပ်၊ တစ်တန် ၉၄၂၇၁ ကျပ်၊ အောက်စတစ်ပိဿာ ၁၃၃၃ကျပ်၊ တစ်တန် ၈၁၆၃ဝဝ ကျပ်တို့နဲ့ ရောင်းဝယ်နေကြပါတယ်။ ယခုတစ်ပတ်မှာ ခရမ်းပဲတီရွှေဝါ၊ ပဲခူးပဲတီရွှေဝါတို့သာ ဈေးကွက် အတွင်းသို့ အဝင်ရှိပြီး ဈေးကောင်းပေမဲ့ အခြားပဲတီစိမ်းတွေက ဈေးကွက်အတွင်းသို့ စီးဝင်မှုအားနည်းသလို ဝယ်လိုအား နည်းလာလို့ ဈေးအေးနေတာဖြစ်တယ်လို့ ဈေးကွက်က ဆိုပါတယ်။ ကျော်ကျော်မိုး
Background