ထိုင်းနိုင်ငံ၌ သကြားဈေးကွက် ထိန်းချုပ် ထိုင်းနိုင်ငံမှာ သကြားတစ်ကီလိုကို ၅ ဘတ်ခန့်ဈေး တက်ပြီးနောက် သကြားဈေးမကျအောင်ထိန်းချုပ် သွား မယ်လို့သိရပါတယ်။ ထိုင်းနိုင်ငံရဲ့ကြံစိုက်ပျိုးရေးနဲ့ သကြား ထုတ်လုပ်ရေးကုန်ကျစရိတ်မှာ တစ်နှစ်ကို ဘတ်သန်း ၃ဝဝဝ ခန့်ရှိတာကြောင့်ယခုကဲ့သို့ ၅ ဘတ်ခန့်ဈေးမြှင့်တာဖြစ်ကြောင်း ကြံစိုက်ပျိုးရေးနှင့် သကြားထုတ်လုပ်ရေးဌာနရဲ့ အထွေထွေအတွင်းရေးမှူးက ပြောကြားခဲ့ပါတယ်။ ဒါ့အပြင်သကြားရဲ့ အကောက်ခွန်နှုန်းထားကိုလည်း အနည်းငယ် တိုးမြှင့်ဖို့ရှိကြောင်း သိရပါတယ်။ ၂ဝ၁ဝ ဒီဇင်ဘာလအတွင်းက ကြံစိုက်တောင်သူများအတွက် ဘတ် သန်း (၈ဝဝဝ-၉ဝဝဝ) ခန့် အထောက်အပံ့ပေးခဲ့ပြီး သကြားဈေးနှုန်းကို သကြားထုတ်ဝေဖြန့်ဖြူးရေး ဦးစီးဌာနက ထိန်းချုပ်သွားမှာဖြစ်ကြောင်း သိရပါတယ်။ ထိုင်းသကြားထုတ်လုပ်တင်ပို့သော ကုမ္ပဏီများက ၎င်းတို့ရဲ့ ဆောင်ရွက်ချက်များအား အစိုးရမှ သဘောတူညီမှုရှိစေရန် ဆွေးနွေးမှာဖြစ်ကြောင်းလည်းသိရပါတယ်။ သကြား ထုတ်လုပ်ရာမှာ သုံးစွဲတဲ့ ဆီဈေးများ ကိုလည်း ဈေးကွက်နှုန်း ထားအတိုင်း ဆက်လက်သုံးစွဲမှာဖြစ်ပြီး သကြားဈေးကွက် ပိုမိုတွင်ကျယ်မှုရှိစေဖို့ ဆီဈေးနှုန်းများကိုလည်း ပေါက်ဈေးအတိုင်းသုံးစွဲမှာဖြစ်ကြောင်း သိရပါတယ်။ ထိုင်းနိုင်ငံမှာ သကြားပြတ်လပ်မှုတွေ ရှိနေတာကြောင့် ဈေးနှုန်းကို ထိန်းချုပ်မှာဖြစ်ပါတယ်။ ဈေးနှုန်းထိန်း ချုပ်ပြီး နောက် သကြားထုတ်လုပ်ရာမှာ လိုအပ်တဲ့ အခက်အခဲများ ကို ရှာဖွေမှာဖြစ်ပြီး ထိုင်းပြည်တွင်းသကြားဈေးနှုန်းအတက်အကျကို ဖြေရှင်းလို့မရသေးကြောင်းထိုင်းစက်မှု ဝန်ကြီးက ပြောကြားခဲ့ပါတယ်။ ပြည်ပဈေးကွက် မှာလည်း ဈေးကောင်း မရသေးတဲ့အတွက် မြန်မြန်ဆန်ဆန်ထုတ်လုပ်ခြင်း မရှိ ကြောင်း ၎င်းကထပ်လောင်း ပြောကြားခဲ့ပါတယ်။ ယခုအချိန် ထုတ် လုပ်မှုမြန်ဆန်ပါက ထိုင်းသကြားထုတ်လုပ်ရေးများ ထိ ခိုက်နိုင်ပြီး အဘက်ဘက်မှ လိုအပ်ချက်များရှာဖွေပြီး ပြည်ပ ဈေးကွက်နဲ့ ပြည်သူလူထုအတွက် အထောက်အကူဖြစ် အောင် ဆောင်ရွက်နေကြောင်း သတင်းရရှိပါတယ်။ အေးသက် Souce:ပလပ်ချာချပ်သတင်းစာ
Background