ပြည်ပဲကြီးအဝင်များလာသလို ဈေးလည်းမြင့်လာ ပြည်ဈေးကွက်ကို ဖေဖော်ဝါရီလဆန်းမှစပြီး ပဲကြီးအသစ်များ ဝင်ရောက် လာခဲ့ကာ ယခုမတ်လလယ်မှာ တိုင်းအတွင်းဒေသများမှ အဝင်ရှိသလို မကွေးတိုင်း ဒေသကြီးဘက်မှ အဝင်ရှိလာတာကြောင့် တစ်ရက် အိတ် ၅ဝဝ ကျော်ထိ အဝင်များ လာခဲ့တယ်လို့ သိရပါတယ်။ ပဲကြီးအသစ် အဖွင့်ဈေးမှာ တစ်တင်း ၁၈၅ဝဝ ကျပ်ဖြင့် ဈေးဖွင့် ဝယ်ယူခဲ့ကြပြီး၊ ယခုတစ်ပတ် ပဲကြီးဈေးနှုန်းမှာ ပဲကြီး (ရွှေကျွန်း) တစ်တင်း ၂၃၅ဝဝ ကျပ်၊ ပဲကြီး (ကမ်းနား) တစ်တင်း ၂၂၅ဝဝ ကျပ်ဖြင့် ယခင်အပတ်ထက် ဈေးမြင့်လာခဲ့ပါတယ်။ လှောင်လက်သမားများမှ ဝယ်ယူမှုမရှိသေးဘဲ ပဲကြော်ဖို သမားများသာ အဝယ်ရှိခဲ့တာကြောင့် တစ်ရက် အိတ် ၂ဝဝ ကျော် အရောင်းအဝယ် ဖြစ်လျက်ရှိကြောင်း သိရပါတယ်။ ခင်ဆွေဝင်း
Background