CNG တပ်ဆင်ထားသည့် ကားများ အရောင်းအဝယ်လိုက် လက်ရှိ ပြည်တွင်းကားဝယ်ရောင်း ဈေးကွက်တွင် အမြင့်ကားများအရောင်း အဝယ်အေးလျက်ရှိပြီး အနိမ့်ပိုင်းကား များသာ အနည်းငယ်ဈေးကွက်အတွင်း လှုပ်ရှားမှုရှိနေသော်လည်း လောင်စာ ဆီစွမ်းအင်သုံးကားများထက် ဓာတ်ငွေ့ သုံး CNG တပ်ဆင်ထားသည့် ကား များမှာ အရောင်းအဝယ်ဖြစ်လျက်ရှိကြောင်း ဟံသာဝတီအဝိုင်းကားပွဲစား တန်းမှ ပွဲစားတစ်ဦးဖြစ်သူ ဦးကျော်မင်းဦး က ဆိုသည်။ ''လိုင်စင်မဲ့ကားတွေ ကာလတန်ဖိုး စိစစ်သတ်မှတ်ပြီး တရားဝင်လိုင်စင် ပြုလုပ်ပေးတဲ့ အချိန်ကနေစပြီး ဈေး ကွက်မှာ အရောင်းအဝယ် အေးလာ တာ ဒီနေ့ထိပဲ'' ဟု ၎င်းမှပြောပြသွား ခဲ့သည်။ အမြင့်ကားများသာ အရောင်း အဝယ်ပြုလုပ်မှုများသည့် ဟံသာဝတီ ကားပွဲစားတန်းတွင် ဈေးကွက်ပျောက် နေပြီး အောက်ဝိုင်း (ကျောက်မြောင်း) တွင်ပါဈေးကွက်ပျောက်နေသော်လည်း အနိမ့်ကားများ အဓိကရောင်းသည့် အောက်ဝိုင်း၌ အရောင်းအဝယ် အနည်းငယ် ရှိနေသေးကြောင်း သိရသည်။ အောက်ဝိုင်းတွင် လက်ရှိ CNG ကားများမှာ ဈေးများမှာ ဈေးမာ၍ အရောင်းအဝယ်လိုက်လျက်ရှိပြီး ဒီဇယ် နှင့် ဓာတ်ဆီကားများမှာ ပုံမှန်ဈေးသာရှိ သော်လည်း အရောင်းအဝယ် အေးလျက်ရှိသည်။ ထိုကဲ့သို့ အရောင်းအဝယ်များ အေးလာရခြင်းမှာ လိုင်စင်မဲ့ကားများကို ရန်ကုန်-မန္တလေးနှင့် အခြားနယ်စပ်မြို့ များတွင် တရားဝင်လိုင်စင်ပြုလုပ်ပေးပြီး နောက်ပိုင်းမော်ဒယ်လ်မြင့်ကား အများ အပြား ဝင်ရောက်ခဲ့သဖြင့် ရောင်းလို အားများပြီး ဝယ်လိုအား နည်းသွားရ ခြင်းကြောင့်ဖြစ်ကြောင်းနှင့် ရင်းနှီးမြှုပ် နံှသူများအနေဖြင့် အိမ်၊ ခြံ၊ မြေနှင့် အခြားလုပ်ငန်းများဘက်သို့ ဦးလှည့် သွားခြင်းကြောင့်ဖြစ်ကြောင်း ဝါရင့် ကားပွဲစားတစ်ဦးဖြစ်သူ ဦးဟန်စိန်က သုံးသပ်ပြောကြားသည်။ မင်းချို
Background