အေးသထက်အေးလာတဲ့ မုံရွာငုံနီဈေး ယခုတစ်ပတ်မုံရွာကုန်စည်ဒိုင်ပဲစင်းငုံနီဈေးကွက်အနေနဲ့ တစ်တင်း ၂ဝ၄ဝဝ ကျပ်နဲ့ ကျဈေးမှာ ၄ ရက်ခန့် ငြိမ်နေရာက မတ်လ ၂၂ ရက်မှာ တစ်တင်း ၆ဝဝ ကျပ် ထပ်မံဈေးကျခဲ့ရာ ၁၉၈ဝဝ ကျပ်နဲ့ အရောင်းအဝယ် ဖြစ်ခဲ့ကြတယ်လို့ သိရပါတယ်။ ကုန်သည်ကြီးအချို့ကတော့ အိတ်စပို့ဈေးကွက်မျှော်လင့်ချက်နဲ့ ဝယ်ယူစုဆောင်းမှုရှိပြီး နယ်အဆွဲကတော့ အေးနေဆဲဖြစ်တယ်လို့ သိရပါတယ်။ နယ်တောင်သူအများစုကတော့ မြို့ပေါ်ပွဲရုံတွေဆီ ပစ္စည်းတင်ပို့အပ်နံှခဲ့ကြပြီး အသုံး လိုသလောက်သာ ကြိုထုတ်ခဲ့ကြကာ ကြိုက်ဈေးရမှ ဈေးဖြတ်ခဲ့ကြတယ်လို့ ဈေး ကွက်က ကြားသိရပါတယ်။ ယခုတစ်ပတ်အတွင်း မုံရွာကုန်စည်ဒိုင်နယ်မြေကနေ စီးဆင်းတင်ပို့မှု အားနည်းခဲ့ရာ မန္တလေးကို တင်း ၂ဝဝဝ ခန့်၊ ရန်ကုန်ကို တင်း ၁၂ဝဝဝ ခန့်နဲ့ ပခုက္ကူကို တင်း ၁၅ဝဝ ရှိခဲ့ကြောင်း သိရှိရပါတယ်။ ထွန်းလှိုင်
Background